Өнөөдрийн тухай таны мэдэх ёстой 14 зүйл: Хеликобактерийн илрүүлэг шинжилгээг хийж эхэлсэн талаар мэдээлнэ

Есдүгээр сарын 25-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 268 дахь өдөр бөгөөд он дуусахад 97 хоног үлдлээ.
2. Цаг агаар өдөртөө 19 хэмийн дулаан бол шөнөдөө 5 градус дулаан байх нь ээ.
3. Билгийн тооллын 15, найман цагаан мэнгэтэй цагаан бич өдөр. Өнөөдөр үсээ авахуулах буюу засуулбал өлзийтэй сайн гэнэ. Энэ өдөр хулгана, луу жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2530.00 төгрөгтэй тэнцэж байгаа бол бусад валют болох рубль 38.50, юань 370.00, вон 2.22 төгрөг байна.

Өнөөдөр болох онцлох үйл явдлууд:

1. 10.53 цагт сар тэргэл болно.
2. Хаппи Веритас оношилгооны төвөөс хелико бактерийн эсрэг үндэсний аянг зарлалаа. Энэ хүрээнд илрүүлэг шинжилгээг 2000 төгрөгөөр хийж эхэлсэн болон тус өвчний талаар мэдээлэл өгөх хэвлэлийн бага хурлыг Үндэсний мэдээллийн төвд 11.00 цагаас зохион байгуулна.
3. 10.00 цагаас Continental зочид буудалд ДЭМБ, ЭМЯ, СЭМҮТ хамтарсан МУ-д Тамхины хяналтын тухай хуулийн хэрэгжилтийг үнэлэх туршилт судалгааны нээлт болно.
4. 09.00 цагт "Blue sky" 3 давхарт Кристал танхимд уул уурхайн үйл ажиллагаатай холбоотой химийн бодисын хордлогын үед эрүүл мэндийн тусламж үйлчилгээ үзүүлэгчдийн чадавхийг сайжруулах сэдэвт сургалт болно.
5. Нийслэлийн Засаг дарга бөгөөд Улаанбаатар хотын Захирагч С.Батболд Баянхошуу, Сэлбэ дэд төвийн бүтээн байгуулалтын ажилтай танилцана. 10.00 цагаас СХД 8-р хороо 240 хүүхдийн цэцэрлэг болон бизнес инкубатор төвийн барилгын талбайд, 10.50 цагаас СХД 9 хороо Баянхошуу тойргийн зүүн хойд талын Хийдийн урд үерийн хамгаалалтын сувагтай танилцана.
6. Корпорэйт зочид буудлын 5 давхрын танхимд 09.00-14.00 цагаас “Мэдээллийн түгээмэл хүртээмжийн олон улсын өдөр”-ийг тохиолдуулан ЮНЕСКО-ийн Монголын үндэсний комисс, Германы “Дойче Велле” академи, Нээлттэй нийгэм форумтай хамтарч “IPDC talks: Mongolia” арга хэмжээг зохион байгуулна.

Энэ өдөр дэлхийн түүхэнд:

1. Бүгд Найрамдах Науру Улсад Залуучуудын өдөр тохиож байна.
2. 1986 оны энэ өдөр БНСУ-ын алдарт жүжигчин Choi Yoon-Young мэндэлжээ.
3. Мөн 1982 оны энэ өдөр "Нууц цэцэрлэг", "Миний нэр Ким Сам сун" зэрэг киногоороо алдаршсан БНСУ-ын жүжигчин Hyun Bin мэндэлжээ.
   1981 онд Белиз улс НҮБ-д элсжээ.
4. 2003 онд Япон улсын Хоккайдо арал дээр 8.3 баллын хүчтэй газар хөдөлж байжээ. Энэ үеэр 800 гаруй хүн бэртэж гэмтэж байжээ.