Өнөөдөр гадаа 12 градусын дулаан байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
10 дугаар сарын 19-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 292 дахь өдөр бөгөөд он дуусахад 73 хоног үлдлээ.
- Цаг агаар өдөртөө 12 хэмийн дулаан бол шөнөдөө -1 градус хүйтэн байх нь ээ.
- Билгийн тооллын 10, хоёр хар мэнгэтэй хөх бич өдөр. Өнөөдөр үсээ авахуулах буюу засуулбал эрч хүч ихсэх гэнэ. Энэ өдөр хулгана, луу жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2566.00 төгрөгтэй тэнцэж байгаа бол бусад валют болох рубль 39.20, юань 371.50, вон 2.27 төгрөг байна.
Өнөөдөр болох онцлох үйл явдлууд:
- Монголын экологийн форум Новотел зочид буудалд 09.00 цагт эхэлнэ.
- 11.00 цагт Сонгинохайрхан дүүргийн 5-р хороонд улсын төсвийн хөрөнгө оруулалтаар баригдах 100 хүүхдийн ортой цэцэрлэгийн шав тавих ёслол болно.
- 10.00 цагаас УИХ-ын чуулганы танхимын үүдэнд УИХ-ын гишүүн З.Нарантуяа Хүүхдийн хөгжил, хамгааллын төсвийн хяналтын Нийтийн сонсгол хийх санаачлагаа УИХ-ын даргад өргөн барихтай холбогдуулж тодруулга ярилцлага өгнө.
- 09.00 цагт Блью Скай зочид буудлын Кристал танхимд БСШУСЯ, ЖАЙКА Олон улсын байгууллага хамтран хэрэгжүүлсэн "Суралцахуйг дэмжих мэргэжлийн байгууллагын чадавхыг бэхжүүлэх PROCESS төсөл"-ын хаалтын ажиллагаа болно.
- Иргэдийг хашаандаа тав тухтай амьдрах нѳхцлийг бүрдүүлэхээр сүхбаатар дүүргийн 18 дугаар хорооны "Дэд бүтцийн тѳв"-ийн шав тавих ёслолын нээлт 11.00 цагт болно.
- Улаанбаатар хотын ЗАА болон "Орон сууц нийтийн аж ахуйн мэргэжлийн Холбоо" ТББ-ийн хамтран хэрэгжүүлж буй “Нэгдсэн дуудлагын төв”-ийн нээлт СХД-ийн “Содон” хорооллын 104 байранд 15.00 цагт болно.
Энэ өдөр дэлхийн түүхэнд:
- "Хадгаламж, зээлийн хоршооны олон улсын өдөр" тохиож байна.
- 2003 онд Тереза эх II пап ламд адислуулжээ.
- 2005 онд Багдадад Иракийн удирдагч асан Садам Хуссейныг шүүх анхны хуралдаан болжээ.
- 1987 оны Хар Даваа гараг: хөрөнгийн зах зээлийн индекс болох DJIA-ны индекс 22 хувиар унажээ.
- 2013 онд Буэнос-Айрест болсон галт тэрэгний ослоор 105 гаруй хүн бэртэж шархаджээ.
