Амралтын өдрүүдэд тээврийн хэрэгслийг улсын дугаарын сүүлийн оронг тэгш, сондгойгоор нь хязгаарлан хөдөлгөөнд оролцуулж байгаатай холбоотой хэрэг зөрчил гарж байгаа тухай Замын цагдаагийн албанаас мэдээлээ.
Жолооч нараас хуурамч улсын дугаартай тээврийн хэрэгсэлтэй замын хөдөлгөөнд оролцох зөрчил илэрч байна.
Зөрчлийн тухай хуулийн 14.7.13 дах хэсэгт зааснаар "Хуурамч улсын бүртгэлийн дугаар бүхий тээврийн хэрэгслээр замын хөдөлгөөнд оролцсон бол гурван сарын хугацаагаар жолоодох эрхийг хасаж хүнийг тавин нэгжтэй тэнцэх хэмжээний төгрөгөөр, хуулийн этгээдийг таван зуун нэгжтэй тэнцэх хэмжээний төгрөгөөр торгоно" гэж заасны дагуу хариуцлага тооцно.
Иймд жолооч та ухамсартай хандан хязгаарлагдсан дугаартай болон хуурамч улсын дугаар бүхий тээврийн хэрэгсэлтэй замын хөдөлгөөнд оролцохгүй байхыг сануулж байна.
Эх сурвалж: Замын цагдаагийн алба
