Өнөөдрийн тухай таны мэдэх ёстой 19 зүйл: Валютын ханш буурчээ

2 дугаар сарын 09-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 40 дахь өдөр бөгөөд он дуусахад 325 хоног үлдлээ.
2. Цаг агаар өдөртөө -22 хэмийн хүйтэн бол шөнөдөө -25 градус хүйтэн байх нь ээ. Өдөр, шөнөдөө бага цэргийн цас орох гэнэ.
3. Билгийн тооллын 24, хоёр хар мэнгэтэй хар бич өдөр. Өнөөдөр үсээ авахуулах буюу засуулбал өвчин эмгэг ирэх гэнэ. Энэ өдөр хулгана, луу жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2410.00 төгрөгтэй тэнцэж байгаа бол бусад валют болох рубль 42.60, юань 381.50, вон 2.18 төгрөг байна.

Өнөөдөр болох онцлох үйл явдлууд: 

1. MN-Мэдээллийн төвд 12.00 цагаас МСНЭ-ийн их хурлаар улс төрийн намын нөлөөнд орж болзошгүй дүрэм батлахаар улайрч, сэтгүүлчдээр хэлэлцүүлэх боломж олгоогүйг эсэргүүцэн их хурлыг орхин гарсан сэтгүүлчид хэвлэлийн хурал хийнэ.
2. 11.30 цагаас TV9 телевизийн байранд Номтой Нөхөрлөе клубээс "Эрээний бэлэгнээс, Эрдмийн бэлэг рүү" уриатай сар шинээр зочин гийчиндээ бэлэг бэлгийн дээд ном бэлэглэхийг уриалж хэвлэлийн бага хурал хийнэ.
3. Хангарьд ордны 14 давхарт 10.00 цагаас "Утаа бидний амьдралд" сэдэвт хэлэлцүүлэг болно.
4. Хүүхдийн Төв Номын Сан, Монголын Сурагчдын Холбооноос санаачилан 2011 оноос эхлэн Монголын хойч үе болох сурагчиддаа цагаан сарын ёс заншил, соёл урлагаа өвлүүлэн өгч сургаж хөгжүүлэн, түгээн дэлгэрүүлэх зорилгоор “Монгол бахархал-Цагаан сар” тэмцээнийг жил бүр уламжлал болгон зохион байгуулж ирсэн. Энэ удаагийнх 11.00 цагт хүүхдийн Төв номын санд болно.
5. “МОНГОЛЫН ЦАГААН САР 2018“ үзэсгэлэн худалдааны албан ёсны нээлтийн ажиллагаа 14.00 цагаас Хан-Уул дүүргийн Соёлын ордонд болно.

Энэ өдөр дэлхийн түүхэнд: 

1. 1825 онд 1824 оны АНУ-ын ерөнхийлөгчийн сонгуульд нэр дэвшигчид сонгогчдын зөвлөлийн хурлаар санал тэнцсэн тул АНУ-ын Төлөөлөгчдийн танхим Жон Күинси Адамсыг ерөнхийлөгчийн суудалд сонгожээ.
2. 1849 онд Бүгд найрамдах Роман улс тусгаар тогтнолоо зарлав.
3. 1870 онд АНУ-ын ерөнхийлөгч Үлиссес С.Грант АНУ-ын Цаг уурын хороог байгуулах шийд гаргав.
4. 1922 онд Бразил улс зохиогчийн эрхийг хамгаалах Бернийн тунхагт нэгдэн оров.
5. 1959 онд ЗХУ дэлхийн хамгийн анхны тив алгасагч баллистик пуужин Р-7 Семёркаг амжилттай туршжээ.
6. 1967 онд Алдарт "Битлз" хамтлаг Эд Салливаны шоунд оролцож, нэр алдарынхаа эхлэлийг тавив.
7. 1971 онд Аполло сансрын хөтөлбөр: Аполло 14 хөтөлбөрийн багийнхан эх дэлхийдээ ирэв. АНУ саран дээр гурав дахь удаагаа хүнээ буулгасан билээ.
8. 1975 онд ЗХУ-ын "Союз 17" хөлгийн багийнхан эх дэлхийдээ эргэн ирэв.
9. 1986 онд Хейлигийн сүүлт од сүүлчийн удаагаа нарны аймгийн дотор нэвтэрчээ.
10. 1991 онд Литвийн ард иргэд тусгаар тогтнолынхоо төлөө санал өгөв.