2 дугаар сарын 08-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 39 дахь өдөр бөгөөд он дуусахад 326 хоног үлдлээ.
- Цаг агаар өдөртөө -15 хэмийн хүйтэн бол шөнөдөө -21 градус хүйтэн байх нь ээ.
- Билгийн тооллын 23, гурван хөх мэнгэтэй цагаагчин хонь өдөр. Өнөөдөр үсээ авахуулах буюу засуулбал эд эдлэл, идээ ундаа элбэг олдох гэнэ. Энэ өдөр гахай, туулай жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2413.00 төгрөгтэй тэнцэж байгаа бол бусад валют болох рубль 42.80, юань 383.40, вон 2.19 төгрөг байна.
Өнөөдөр болох онцлох үйл явдлууд:
- 11.30 цагаас МАХН-ын дарга асан Н.Энхбаяр тэргүүтэй хүмүүс тус намын 2-р Их Чуулганд оролцсон хүмүүсийн эрүүл мэнд, амь насанд заналхийлсэн талаар МАХН-ын гишүүд Монгол ньюс-д хэвлэлийн бага хурал зарлалаа.
- MN-Мэдээллийн төвд 12.00 цагаас “Эрдэнэс тавантолгой” ХК-ийн ҮЭХ-ноос тус компанитай холбоотой тэгш бус гэрээний алдагдал ба хуваарилалт, удирдлагынхаа урагшгүй үйл ажиллагааны талаар мэдээлэл хийнэ.
- "Зууны мэдээ" сонины Үндэсний мэдээллийн төвд 11.30 цагаас МАХН Их чуулганы талаар мэдээлэл хийнэ.
- Олон улсын таеквондогийн Монголын холбооноос зохион байгуулж буй “Таеквондогийн улсын аварга шалгаруулах 25 дахь удаагийн тэмцээн”-ий нээлт 13.00 цагт Спортын төв ордны “А” зааланд болно.
- Зудын эрсдэлд орсон 5 аймгийн 5 сумын зорилтот бүлгийн 500 гаруй малчин өрхийн амьжиргааны эх үүсвэр болсон мал сүргийг хамгаалахад зориулан НҮБ-ын Хүнс, хөдөө аж ахуйн байгууллагаас илгээх тэжээлийн тусламжийн цувааг 10.00 цагт илгээнэ.
- МСНЭ-ийн ээлжит XVII их хурал болно
Энэ өдөр дэлхийн түүхэнд:
- 1575 онд Нидерландын хамгийн алдартай, хамгийн хөгшин сургуулиудын нэг Лейдэний их сургууль байгуулагджээ.
- 1587 онд Шотландын хатан Мериг төрийн эрхийг хууль бусаар авахыг санаархсан гэж үзэн цаазаар авав.
- 1693 онд АНУ-ын Виржиниа мужийн Уиллиамсбург хотод Английн хаан III Уиллиам, Хатан хаан II Мери нарын дурсгалд зориулж, Уиллиам болон Меригийн коллежийг байгуулжээ.
- 1817 онд Сан Мартиний удирдлага дор цугларсан арми Андийн нурууг давж, Чили улсыг Испанийн дарлалаас чөлөөлөв.
- 1937 онд АНУ-ын сенатын хурлаар АНУ-ын анхны дэд ерөнхийлөгчийн суудалд Ричард Жонсонг суулгасан байна.
- 1865 онд Боолчлолыг халах, худалдаалах, наймаалцахыг бүрэн хориглосон АНУ-ын Үндсэн хуулийн 13-р нэмэлт өөрчлөлтөд нэгдэн орохоос Делавейр муж татгалзав. Тэд 1901 оныг хүртэл Үндсэн хуулийн 13 дахь нэмэлт өөрчлөлтийг хүлээн зөвшөөрөөгүй юм.
- 1915 онд Кино урлагийн түүхэнд домог болон мөнхөрсөн "Birth of Nation" кино Лос Анжелес хотноо анхлан дэлгэцэнд гарчээ.
- 1922 онд АНУ-ын ерөнхийлөгч Уоррен Г.Хардинг радиогоор үг хэлсэн анхны ерөнхийлөгч болов.
- 1971 онд Америкийн хөрөнгийн биржид NACDAQ индекс анх удаагаа арилжаалагдаж эхлэв.
- 1974 онд Скайлаб 4 хөлгийн баг 84 хоног задгай сансарт ажилласны дараа эх дэлхийдээ эрэв. Үүнээс хойш Скайлаб хөтөлбөр дахиж хэрэгжээгүй билээ.
