Өнөөдрийн тухай таны мэдэх ёстой 19 зүйл: Сүхбаатарын талбайд гэр хорооллын иргэд жагсаал хийнэ

2 дугаар сарын 07-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 38 дахь өдөр бөгөөд он дуусахад 327 хоног үлдлээ.
2. Цаг агаар өдөртөө -9 хэмийн хүйтэн бол шөнөдөө -25 градус хүйтэн байх нь ээ. 
3. Билгийн тооллын 22, дөрвөн ногоон мэнгэтэй цагаан морь өдөр. Өнөөдөр үсээ авахуулах буюу засуулбал идээ ундаа элбэг олдох гэнэ. Энэ өдөр бар, нохой жилтнээ аливаа үйлийг хийхэд эерэг сайн, могой, морь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2413.00 төгрөгтэй тэнцэж байгаа бол бусад валют болох рубль 43.00, юань 381.50, вон 2.17 төгрөг байна.

Өнөөдөр болох онцлох үйл явдлууд: 

1. 23.55 цагт сар тал болно.
2. Хөдөлмөрийн зах зээлийн 2018 оны төлөв байдал болон өнгөрсөн оны хөдөлмөрийн зах зээлийн судалгааны талаарх дүнг танилцуулах арга хэмжээ Хөдөлмөр халамжийн үйлчилгээний ерөнхий газарт 09.00-13.00 цагийн хооронд болно.
3. 11.00 цагт Сүхбаатарын талбайд гэр хорооллын иргэд жагсаал хийнэ. 
4. “ГИНЖИЙГ ТАСАЛ” гар зураг болон зурагт хуудасны бүтээлийн үзэсгэлэнгийн нээлт 11.00 цагаас Norphei Art Gallery, Blue Mon Centre-т болно.
5. НЗДТГ-ын А танхимд 11.00 цагт НИТХ-ын Тэргүүлэгчдийн хурал болно. Нийслэлийн биеийн тамир, спортыг 2017-2020 онд хөгжүүлэх дэд хөтөлбөр батлах тухай, Газрын зориулалт өөрчилж, хамтран эзэмшигч нэмэх тухай зэрэг асуудлууд хэлэлцэнэ. 

Энэ өдөр дэлхийн түүхэнд: 

1. 1301 онд II Эдуард Уэлсийн анхны хунтайж болжээ.
2. 1940 онд Уолт Дисней компанийн хоёр дахь бүрэн хэмжээний хүүхэлдэйн кино болох "Пинокио" дэлгэцэнд гарчээ.
3. 1962 онд АНУ Куба улсын эсрэг импорт, экспортын хориг тавив.
4. 1974 онд Гренада улс Их Британиас тусгаар тогтнов.
5. 1984 онд Сансарын Шаттл хөтөлбөр: STS-41-B хөлөгт багтсан Брюс МакКандлесс, Роберт Л.Стеварт нар задгай сансарт ажиллажээ.
6. 1986 онд Гайти улсыг 28 жил захирсан Жан Клод Дувальер албан тушаалаасаа огцорчээ.
7. 1991 онд Жан Бертран Аристид Гайти улсын ерөнхийлөгч болов. Тэрээр олон нийтээс сонгогдсон анхны ерөнхийлөгч билээ.
8. 1992 онд Нидерландын Маастрихт хотод болсон хуралдаанаар Европын холбоо байгуулагдах эхлэлээ тавьжээ.
9. 1995 онд 1993 онд Дэлхийн худалдааны төвд бөмбөг дэлбэлсэн гэх шалтгаанаар Рамзи Юсеф гэгчийг баривчлав.
10. 1997 онд алдарт Apple компани Mac OS X компьютераа үйлдвэрлэж эхэлжээ.