2 дугаар сарын 05-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 36 дахь өдөр бөгөөд он дуусахад 329 хоног үлдлээ.
- Цаг агаар өдөртөө -12 хэмийн хүйтэн бол шөнөдөө -25 градус хүйтэн байх нь ээ.
- Билгийн тооллын 20, зургаан цагаан мэнгэтэй шар луу өдөр. Өнөөдөр үсээ авахуулах буюу засуулбал өлсөж ундаасах гэнэ. Энэ өдөр хулгана, бич жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2418.00 төгрөгтэй тэнцэж байгаа бол бусад валют болох рубль 43.60, юань 384.00, вон 2.21 төгрөг байна.
Өнөөдөр болох онцлох үйл явдлууд:
- "Зууны мэдээ" сонины Үндэсний мэдээллийн төвд 11.00 цагаас Биокомбинатын үйлдвэрчний эвлэлийн хороо, Ажилчдын түр хорооноос тус комбинатад хууль бусаар томилогдсон даргын талаар мэдээлэл хийнэ.
- MN мэдээллийн төвд 12.30 цагаас УИХ-ын гишүүн Б.Наранхүү, Ц.Нямдорж болон УИХ-ын зарим гишүүнийг эргүүлэн татах болон, У.Хүрэлсүхийн Засгийн газар Үндсэн хууль зөрчиж байгуулагдсан талаар хуульчид Үндсэн хуулийн цэцэд хандсан асуудлаар хэвлэлийн бага хурал зарлалаа.
- Харааны бэрхшээлтэй хүүхдийн 116-р сургууль дээр 10.00 цагаас жишиг ангийн нээлт болно.
- MN-Мэдээллийн төвд 11.00 цагаас Боловсролын үнэлгээний төвөөс Элсэлтийн ерөнхий шалгалтын бүртгэл эхэлж байгаатай холбогдуулж мэдээлэл хийнэ.
- MN-Мэдээллийн төвд 11.30 цагаас Монголын бизнес эрхлэгч эмэгтэйчүүдийн холбооноос улс орон даяар эдийн засгийн хямралын эсрэг хөдөлгөөн өрнүүлэх асуудлаар мэдээлэл хийнэ.
Энэ өдөр дэлхийн түүхэнд:
- 756 онд Хятадын Тан гүрний эсрэг хувьсгалыг удирдсан Ан Лүшан Ян улс байгуулж, өөрийгөө хаанд өргөмжлөв.
- 1576 онд Францын католик болон протестант шашинтнуудын хооронд шашны дайн дэгджээ.
- 1852 онд Хаант Оросын Санкт Петербург хотод Эрмитажийн музей олон нийтэд үүд хаалгаа нээв.
- 1917 онд Мексик улсад одоо мөрдөгдөж буй үндсэн хууль батлагдаж тус улс холбооны бүгд найрамдах улс болсон юм.
- 1919 онд Алдарт жүжигчид болх Чарли Чаплин, Мери Пикфорд, Дуглас Фейрбэнкс, Д.В.Гриффит нар нэгдэж "United Artists" компанийг байгуулав.
- 1971 онд Аполло 14 хөлөг саран дээр газарджээ.
- 1988 онд Панамын чөлөөлөх хөдөлгөөний тэргүүн Мануэль Нориегаг хар тамхи нууцаар хил давуулсан, мөнгө угаасан гэсэн үндэслэлээр баривчлав.
- 1997 онд Швейцарын хамгийн том гурван банк хоморголон устгах ажиллагааны золиос болсон хохирогчдын ар гэрийнхэнд 71 сая ам.долларын буцалтгүй тусламж олгох шийд гаргажээ.
- 2000 онд Чеченийн Грозни хотын Нове Алди тосгонд ОХУ-ын арми халдлага үйлдэж, 60 энгийн иргэн амиа алджээ.
- 1969 оны энэ өдөр "Ромео Жульетта хоёр", "Фрост/Никсон", "Гамлет" киногоороо алдаршсан Уэлсийн жүжигчин Майкл Шийн мэндэлжээ.
