2 дугаар сарын 02-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 33 дахь өдөр бөгөөд он дуусахад 332 хоног үлдлээ.
- Цаг агаар өдөртөө -16 хэмийн хүйтэн бол шөнөдөө -27 градус хүйтэн байх нь ээ.
- Билгийн тооллын 17, есөн улаан мэнгэтэй хөхөгчин үхэр өдөр. Өнөөдөр үсээ авахуулах буюу засуулбал өнгө зүс доройтох гэнэ. Энэ өдөр тахиа, могой жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2419.00 төгрөгтэй тэнцэж байгаа бол бусад валют болох рубль 43.40, юань 383.00, вон 2.22 төгрөг байна.
Өнөөдөр болох онцлох үйл явдлууд:
- 10.00 цагаас Тусгаар Тогтнолын ордонд Их жанжин Д.Сүхбаатарын эдлэж хэрэглэж байсан зүйлс болон түүхэн бичиг баримт, эд зүйлсийн үзэсгэлэнгийн нээлт болно.
- Тусгаар Тогтнолын ордонд 14.00-20.00 цагийн хооронд Д.Сүхбаатар ба Ардын хувьсгал” илтгэлийн тэмцээн болон ДОНОР арга хэмжээ болно.
- “Сэтгэлийн мянган үйлс” нийгэмд үйлчлэх ТББ-ын ҮСХ, Цус сэлбэлт судлалын үндэсний төвтэй хамтран хэрэгжүүлж буй “Сэтгэлийн 1000 донор-3” аяны нээлт ЦССҮТ-ийн төв байранд өглөө 10.00 цагт зохион байгуулагдана.
- 09.00 цагаас Хил хамгаалах ерөнхий газрын спорт зааланд Хууль зүй, дотоод хэргийн сайдын эрхлэх асуудлын хүрээний агентлаг, байгууллагуудын бүтээгдэхүүн үзэсгэлэн, худалдаа, нээлттэй арга хэмжээ болно.
- Бүгд Найрамдах Казахстан Улсын Ерөнхийлөгч Н. Назарбаев Казахстаны ард түмэндээ хандсан ээлжит илгээлтээ 2018 оны 1 дүгээр сарын 10-нд зарласантай холбогдуулан БНКазУ-аас Монгол улсад суугаа Онц бөгөөд Бүрэн эрхт Элчин сайд К.Кобландин 11.00 цагаас БНКазУ-ын элчин сайдын яаманд хэвлэлийн бага хурал хийнэ
Энэ өдөр дэлхийн түүхэнд:
- 1461 онд Сарнайн дайн: Мортимерийн тулаан Английн Херфордшайрт эхэлжээ.
- 1536 онд Испанийн аялагч Педро де Мендоза Аргентиний нийслэл Буэнос-Айресийг анх илрүүлэв.
- 1653 онд Нью Амстердам (одоогийн Нью-Йорк) байгуулагдав.
- 1709 онд Цөлөөс аврагдсан Александер Селкиркийн амьдралаас сэдэвлэн зохиолч Даниел Дефо "Робинкон Крузо" зохиолоо бичив.
- 1876 онд АНУ-ын Мэргэжлийн бейсболын лиг албан ёсоор байгуулагдав.
- 1901 онд Их Британийн хатан хаан Викториаг оршуулах ёслол болов.
- 1913 онд Нью-Йоркын метроны төв зогсоол баригдаж дуусав.
- 1990 онд Өмнөд Африкийн ерөнхийлөгч Ф.В. де Леклерк амласнаа биелүүлж Нелсон Манделаг суллав.
- 2004 онд Швейцарийн алдарт теннис Рожер Федерер дэлхийн чансааг тэргүүлж эхлэв. Тэрээр 237 долоо хоногийн турш дэлхийн чансааг тэргүүлж, амжилт тогтоосон билээ.
- 2005 онд Канадын парламент ижил хүйстний гэрлэлтийг зөвшөөрөх эсэх асуудлыг хэлэлцэж эхэлжээ.
