Өнөөдрийн тухай таны мэдэх ёстой 18 зүйл: Тэргэл сар гарна

1 дүгээр сарын 31-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 31 дахь өдөр бөгөөд он дуусахад 334 хоног үлдлээ.
2. Цаг агаар өдөртөө -16 хэмийн хүйтэн бол шөнөдөө -23 градус хүйтэн байх нь ээ. Өдөртөө бага зэргийн цас орох гэнэ.
3. Билгийн тооллын 15, хоёр хар мэнгэтэй харагчин гахай өдөр. Өнөөдөр үсээ авахуулах буюу засуулбал өлзийтэй сайн гэнэ. Энэ өдөр хонь, туулай жилтнээ аливаа үйлийг хийхэд эерэг сайн, могой, морь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2420.00 төгрөгтэй тэнцэж байгаа бол бусад валют болох рубль 43.50, юань 381.50, вон 2.22 төгрөг байна.

Өнөөдөр болох онцлох үйл явдлууд: 

1. 21.27 цагт сар тэргэл болно.
2. Монгол Улс дахь гэмт хэргийн цагаан ном-2016 болон Гэмт хэргээс урьдчилан сэргийлэх арга зүй номын нээлт 15.00 цагт Хууль зүйн үндэсний хүрээлэнд болно.
3. 08.30 цагт Прокурорын байгууллагын удирдах ажилтны нэгдсэн зөвөлгөөн Улсын Ерөнхий прокурорын газрын хурлын танхимд эхэлнэ.
4. 10.00 цагт НМХГ-ын хурлын танхимд сар шинийг угтсан хяналт шалгалтын талаар мэдээлэл хийнэ. 

Энэ өдөр дэлхийн түүхэнд: 

1. 1862 онд Одон оронч Альван Грем Кларк цагаан одой гараг болох "Сириус Б" гарагыг илрүүлжээ.
2. 1865 онд Америкийн иргэний дайн: АНУ-ын Конгресс Үндсэн хуульд 13 дахь нэмэлт өөрчлөлт оруулснаар боол худалдаалах, худалдан авах эрх бүр мөсөн үгүй болжээ.
3. 1891 онд Португалийн бүгд найрамдах хувьсгалын анхны оролдлого хойд хэсгийн Порту хотод болжээ.
4. 1929 онд ЗХУ Лев Троцкийг цөлжээ.
5. 1949 онд "Энэ бидний хүүхдүүд" нэртэй анхны "савангийн дуурь" NBC сувгаар гарч эхэлжээ.
6. 1950 онд АНУ-ын ерөнхийлөгч Харри С.Труман гидрогений тэсрэх бөмбөгийг турших, хөгжүүлэх шийдвэр гаргав.
7. 1966 онд ЗХУ Луна 9 хөлгийг сансарт хөөргөжээ.
8. 1968 онд Науру улс Австралиас тусгаар тогтнолоо зарлажээ.
9. 1971 онд Аполло хөтөлбөр: Сансарын нисэгч Алан Шепард, Стюарт Рооза, Эдгар Митчелл нарын багтсан Аполло 14 хөлөг сарыг судлах зорилгоор хөөрчээ.
10. 1996 онд Шри Ланкын төв банкны үүдэнд бөмбөг дэлбэрч 86 хүн амиа алдан, 1400 хүн гэмтэж бэртжээ.