Өнөөдрийн тухай таны мэдэх ёстой 19 зүйл: Монголбанк цаг үеийн асуудлаар мэдээлэл хийнэ

1 дүгээр сарын 25-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 25 дахь өдөр бөгөөд он дуусахад 340 хоног үлдлээ.
2. Цаг агаар өдөртөө -22 хэмийн хүйтэн бол шөнөдөө -31 градус хүйтэн байх нь ээ. 
3. Билгийн тооллын 8, найман цагаан мэнгэтэй улаагчин могой өдөр. Өнөөдөр үсээ авахуулах буюу засуулбал нас уртсах гэнэ. Энэ өдөр тахиа жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2422.00 төгрөгтэй тэнцэж байгаа бол бусад валют болох рубль 43.50, юань 379.00, вон 2.23 төгрөг байна.

Өнөөдөр болох онцлох үйл явдлууд: 

1. 06.21 цагт сар тал болно.
2. 10.30 цагаас Монголын улаан загалмай нийгэмлэгээс “Цаг уурын урьдчилсан мэдээнд суурилсан санхүүжилт” төсөлд хамрагдсан орон нутгийн малчдад малын тэжээлийн багц хүргүүлэхээр ачааг ачуулан, цувааг гаргаж өгнө.
3. Иргэд, олон нийтэд амь нас, эрүүл мэнд, эд хөрөнгөө гэмт халдлагаас хамгаалахад ашиглаж болох шинэ дэвшилтэт техник, технологийн бараа бүтээгдэхүүнийг сурталчлан таниулах зорилгоор “Гэмт хэргээс урьдчилан сэргийлэхэд техник, технологийн дэвшлийг ашиглах нь” нээлттэй үзэсгэлэнг Цагдаагийн ерөнхий газрын Урьдчилан сэргийлэх хэлтсээс 11.00-17.00 цагийн хооронд Мэдээлэл технологийн үндэсний паркын 3 давхарын танхимд зохион байгуулна.
4. 11.00 цагт Монголбанк цаг үеийн асуудлаар хэвлэлийн бага хурал хийнэ.
5. 14.00 цагаас ШУА-ийн Их чуулган болно.

Энэ өдөр дэлхийн түүхэнд: 

1. 1533 онд Английн хаан VII Хенри нууцаар Анне Болейнтэй гэрлэжээ.
2. 1554 онд Бразилийн Сан Паулу хот байгуулагдав.
3. 1575 онд Португалийн нэрт аялагч Паулу Диас де Новайс Африкийн Ангол улсын Луанда хотыг илрүүлжээ.
4. 1879 онд Болгарын үндэсний банк байгуулагджээ.
5. 1890 онд Америкийн эмэгтэй аялагч Нелли Блай дэлхийг 72 хоног тойрч, эх нутагтаа иржээ.
6. 1947 онд Зохион бүтээгч Томас Голдсмит "Катодын туяа бүхий дөрвөлж"-ийг патентжуулснаар, хамгийн анхны "компьютер" тоглоом зохион бүтээгдсэн юм.
7. 1949 онд Америкийн телевизийн урлагийн хамгийн том шагнал болох "Эмми"-гийн шагнал гардуулах ажиллагаа анх удаагаа зохиогдов.
8. 1961 онд Ерөнхийлөгч Жон Ф.Кеннедигийн хэвлэлийн бага хурлыг телевизээр анх удаа шууд дамжуулжээ.
9. 1996 онд АНУ түүхэндээ хамгийн сүүлчийн удаа ялтанг дүүжилж цаазаар авав. Дүүжлүүлсэн хэрэгтэнг Билли Бейли гэдэг байжээ.
10. 2005 онд Энэтхэгийн Махараштра хотод байрлах Мандрадеви сүмд мөргөлчид олноороо цугларсны улмаас шахцалдаан үүсч, 258 хүн амиа алджээ.