1 дүгээр сарын 24-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 24 дахь өдөр бөгөөд он дуусахад 341 хоног үлдлээ.
- Цаг агаар өдөртөө -24 хэмийн хүйтэн бол шөнөдөө -32 градус хүйтэн байх нь ээ.
- Билгийн тооллын 7, есөн улаан мэнгэтэй улаан луу өдөр. Өнөөдөр үсээ авахуулах буюу засуулбал хэл ам, хэрүүл тэмцэл ирэх гэнэ. Энэ өдөр хулгана, бич жилтнээ аливаа үйлийг хийхэд эерэг сайн, могой, морь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2422.00 төгрөгтэй тэнцэж байгаа бол бусад валют болох рубль 43.50, юань 378.80, вон 2.23 төгрөг байна.
Өнөөдөр болох онцлох үйл явдлууд:
- MN-Мэдээллийн төвд 12.00 цагаас “Амлалт нэхэх ард түмний холбоо”-ноос хэвлэлийн бага хурал зарлалаа.
- Швейцарийн хөгжлийн агентлагын Тогтвортой бичил уурхай төслийн хүрээнд СХЗГ-ын Үнэт металлын сорьцын хяналтын газарт Аналитик жин хүлээлгэн өгөх арга хэмжээ Стандарт, хэмжил зүйн газрын 3-р байранд 10.00 цагт болно.
- 09.00 цагт "Ерөнхий боловсролын сургууль, цэцэрлэгийн багш удирдлага болон бусад ажилтны ёс зүйн дүрэм", "Тогтвортой хөгжил-Боловсрол" сэдэвт Сургуулийн өмнөх боловсролын ажилтнуудаас гарсан зөвлөмжийг хэлэлцэнэ. Хэлэлцүүлэг МҮЭХ-ны 4 дүгээр давхрын хурлын танхимд болно.
- 10.00 цагт НИТХ-ын Тэргүүлэгчдийн хуралдаантай. НИТХ-ын Төлөөлөгчдийн Хурлын хороодын бүтцийн өөрчлөлт, Шүд, эрүү нүүрний төвийн барилгын хөрөнгийг шийдвэрлэх тухай зэрэг асуудлыг хэлэлцэнэ.
Энэ өдөр дэлхийн түүхэнд:
- МЭӨ 41 онд Ромын эзэнт гүрний хаан Калигулаг түүний хамгаалагчид нь хороов. Бэлгийн ёс бус хүслээрээ түүхэнд мөнхөрсөн түүнийг тойрон хүрээлэгчид нь жигшин зэвүүцдэг байжээ. Түүний аминд халдсан харуулууд түүний үеэл болох Клавдийг хаан ширээнд суулгасан юм.
- 1835 онд Бразил улсад Сальвадор да Бахиагаар удирдуулсан боолуудын бослого болж, тус улсад боолчлол устжээ.
- 1862 онд Румын улсын нийслэлээр Бухарест хотыг нэрлэжээ.
- 1918 онд Хаант Оросын "Ардын төлөөлөгчдийн зөвлөл" Грегорийн тоололд шилжих шийд гаргажээ.
- 1939 онд Чилийн түүхэнд тохиолдсон хамгийн хүчтэй газар хөдлөлт болж, 28 мянган хүн амиа алдав.
- 1972 онд Дэлхийн хоёрдугаар дайн дууссанаас хойш Гуамын ширэнгэнд бүгэж байсан Японы түрүүч Ёокои Шоичиг олов.
- 1978 онд Цөмийн зэвсэг тээж хөөргөсөн Космос 954 пуужин дэлхийн агаар мандлаас гарч чадалгүй дэлбэрчээ. Хожим нь пуужингийн үлдэгдэл Канадын Баруунхойд хэсгээс илэрсэн юм.
- 1984 онд Алдарт Apple компанийн "Макинтош" компьютер Америкийн зах зээлд худалдаалагдаж эхлэв.
- 1990 онд Япон улс түүхэндээ анх удаа сарыг судлах "Хитэн" хиймэл дагуулыг хөөргөв.
