Ирландын U2 рок хамтлаг U22 хэмээх шинэ цомгоо гаргажээ. Өнгөрсөн онд дэлхийг тойрон аялан тоглосон тус хамтлагийн шинэ цомогт ямар дуу оруулах хүсэлтэй байгаагаа илэрхийлэн шүтэн бишрэгчид нь саналаа өгсөн байна. Уг саналын дагуу шинэ 22 дуу түүвэрлэн авч цомог болгон гаргасан аж.
“With or Without You”, “Beautiful Day”, “One”, “I Still Haven’t Found What I’m Looking For”, “Where The Streets Have No Name”, “Elevation”, “Mysterious Ways” тэргүүтэй дуунууд уг цомогт багтжээ.
Дашрамд өгүүлэхэд, U22 цомгийг интернэт болон дэлгүүрүүдэд зарахгүй бөгөөд тус хамтлагийн цахим хуудсанд бүртгүүлж, саналаа өгсөн хүмүүс худалдан авах эрхтэй гэнэ.
