Унадаг дугуй нь зөвхөн спорт, хобби төдий бус хүн бүрд хүртээмжтэй хэрэглээ, Амьдралын Хэв Маяг - Тээврийн Хэрэгсэл бөгөөд цаг минутаар харанга дэлдэх уур амьсгалын өөрчлөлтөд өртөөд байгаа эх дэлхийгээ аврах НОГООН ТӨЛӨВЛӨГӨӨ ба ШИЙДЭЛ гэдгийг “Дугуйтай гэр бүл” нөхөрлөлийнхөн уриалдаг.
Иймд эерэг зөв хандлагыг түгээхэд төрийн байгууллага, албан хаагчид нэгдэж, идэвхтэй хамтран ажиллах, цаашид дугуй хэрэглээг нэмэгдүүлэх, дэд бүтцийг сайжруулахад хамтран ажиллах хүсэлт гаргаж, хамтран ажиллаж байна.
Байгаль орчин, аялал жуулчлалын яам, Үндэсний цэцэрлэгт хүрээлэн, “Дугуйтай гэр бүл” нөхөрлөл, “Монголын унадаг дугуйн холбоо” хамтран Үндэсний цэцэрлэгт хүрээлэнд Байгальд ээлтэй, эрүүл мэндэд тустай дугуйтай өдөрлөгийг зохион байгууллаа.
