АНУ-ын Флорида муж улсын Орландо хотод болсон “World ballet competition 2023” уралдаанд оролцсон “Сильфида” балетын сургуулийн сурагч М.Номин 9-11 насны ангилалд хоёрдугаар байр эзэлжээ. Тэрбээр хоёр шатны шалгаруулалтын аль алинд өндөр оноо авсан байна. Ялангуяа хоёр дахь үзүүлбэрээрээ 9.438 буюу хамгийн өндөр оноо авсан аж. Уг уралдаан шүүх аргачлалаар бусдаас ялгаатай юм байна. Долоон шүүгчийн өгсөн онооноос хамгийн бага болон ихийг хасаад, үлдсэн тавынх нь дунджаар эцсийн дүнг гаргадаг гэнэ. Сурагч М.Номинг тус сургуулийн багш М.Төмөрцоож дасгалжуулан оролцуулжээ.
