Цэрэг спортын цогцолбор нормын “Өвлийн 3 төрөлт”-ийн аварга шалгаруулах тэмцээнийг Хилийн цэргийн 0198 дугаар анги 3 насны ангиллаар зохион байгууллаа.
Тодруулбал, БНМАУ-ын хошой баатар, маршал Хорлоогийн Чойбалсангийн нэрэмжит, Сүхбаатарын болон Цэргийн гавьяаны улаан туг, Байлдааны гавьяаны одонт Хилийн цэргийн 0198 дугаар анги Хил хамгаалах байгууллага үүсэж хөгжсөний 90 жил, хилчдийн спортын жилийн хүрээнд цэргийн албан хаагчдын бие бялдар, сэтгэл зүйн бэлтгэлжилтийг хангах, цэргийн мэргэжлийн ур чадварыг дээшлүүлэх зорилгоор зохион байгуулжээ.
