"Mongolian Grand Prix 2022" балетын анхдугаар уралдааны шилдэг оролцогчдын гала тоглолт удахгүй болно. Үүнээс наана Дуурь Бүжгийн Эрдмийн Театраас санаачлан "Mongolian Grand Prix 2022" балетын анхдугаар уралдааныг зохион байгуулах юм. Энэ нь балетын хөгжлийн түлхүүр болсон Олон Улсын чанартай уралдаан, тэмцээнийг эх орондоо нутагшуулах, балетын салбарын төлөөлөгчдийн хамтын ажиллагаа, харилцаа холбоог бэхжүүлэх, үеэс үед гайхагдах авьяасыг нээж илрүүлэх зорилготой билээ.
Уралдаан гурван төрөлд насны ангиллаар явагдаж буй. Нийт 200 гаруй бүжигчид өрсөлдөж байна. Уралдааны шилдгүүд арваннэгдүгээр сарын 18-нд тодрох юм. Маргааш нь шагналтуудын гала тоглолт зохион байгуулж, үзэгчдэдээ шилдэг үзүүлбэрээ толилуулах аж.
