"Опал" жүжгийн шторк цацагджээ. Энэхүү жүжгийг “Орфей” театр “Фауст”, “Гэм зэм” жүжгээр шуугиан тариад амжсан М.Батболдын найруулгаар хүргэхээр ажиллаж буй юм. Жон Патрикийн нэрийн хуудас болсон “Everybody loves Opal” саркастик мелодрамын жүжгийг “Опал” нэртэйгээр найруулж, олноо толилуулахаар болсон нь энэ юм. Уран бүтээлчид “Опал”аар дамжуулан хүний дотоод гоо, сайхан сэтгэлийг илэрхийлж, өнөө цагт дутагдаад байгаа хүний мөн чанар, эерэг хандлагын талаар өгүүлэх аж.
Жүжгийн гол дүрийг тайз, дэлгэцийн жүжигчин О.Энхтуул алс холын Герман улсаас зорин ирж бүтээж буй. Мөн Ц.Төмөрбаатар, Н.Онон, Д.Баттөмөр, Э.Чинзориг, Т.Ариунчимэг, Т.Сэргэлэн гэсэн нийт долоон жүжигчин дүр бүтээж буй юм. Тэдний хоршлыг аравдугаар сарын 1-нээс "Хүн театр"-т очсоноор үзэх боломжтой.
Та бүхэн жүжгийн тасалбарыг ticket.mn сайтаас авах боломжтой юм байна. Жүжгийн тасалбар 120 мянга, 150 мянган төгрөгийн сонголттойгоор борлуулагдаж буй.
