Өнөөдрийн тухай таны мэдэх ёстой 13 зүйл: Үс шинээр үргээлгэх буюу засуулахад тохиромжгүй

Нийслэлд өнөөдөр гадаа үүлэрхэг, 21 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.

Долдугаар сарын 26-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 207 дахь өдөр бөгөөд он дуусахад 158 хоног үлдлээ.
2. Цаг агаар өдөртөө 21 хэмийн дулаан бол шөнөдөө 14 градус дулаан байх нь ээ. 

3. Билгийн тооллын XVII Жарны "Буян үйлдэгч" хэмээх Усан бар жилийн Зуны дунд улаан морь сарын 28. Ангараг гараг. Хэрцгий охин одтой, гуран хөх мэнгэтэй цагаан луу өдөр. Өдрийн наран 5 цаг 21 минутад мандан, 20 цаг 37 минутад жаргана. Тухайн өдөр хулгана жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, лус тахих, бороо хур оруулах, зэтгэрийг номхотгох, хөгжмийн зэмсэг урлахад сайн. Гүүр тавих, газар ухах, цөөрөм байгуулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулахад тохиромжгүй бөгөөд хэрүүл тэмцэл ирнэ хэмээжээ. 

4. Манай улсын голлох валют болох ам.долларын ханш авах нь 3173.00, зарах нь 3180.00 төгрөгтэй тэнцэж байгаа бол бусад валют болох рубль авах нь 51.20, зарах нь 52.20, харин юань авах нь 470.00, зарах нь 474.00 вон авах нь 2.38, зарах нь 2.41 төгрөг байна.

Өнөөдөр болох онцлох үйл явдлууд: 

1. 11.00 цагт  Үндэсний мэдээллийн төвд Ч.Мөнхбаярт холбоотой гэх хэрэгт ял оноосныг эсэргүүцэж өмгөөлөгчид нь мэдээлэл хийнэ.

2. 15.00 цагт Офицеруудын ордны "Соёмбо" танхимд Зэвсэгт хүчний Жанжин штабаас цаг үеийн асуудлаар мэдээлэл хийнэ. 

Энэ өдөр дэлхийн түүхэнд: 

1. Америкийн жүжигчин Сандра Буллок 1964 оны энэ өдөр мэндэлжээ.
2. Мөн 1955 оны энэ өдөр Пакистаны 11-р ерөнхийлөгч Асиф Али Зардари мэндэлжээ.
3. 1931 онд Японы уран дасгалч (гимнастикч) Оно Такаши мэндэлж байжээ.
4. 1957 онд Гватемал улсын цэргийн дэг тогтоогч Карлос Кастильо Армасыг хөнөөсөн.
5. 1945 онд Германы Потсдам хотноо болсон бага хурлын хүрээнд Потсдамын тунхгийг үзэглэсэн.
6. 1868 онд  Франц улс Номхон далайн өмнөд талын Таити арлыг өөрийн мэдэлд авсан.
7. 1847 онд Өрнө Африкийн Либери улс тусгаар тогтнолоо зарлан тунхагласан.