Зэвсэгт хүчний 013 дугаар ангийн удирдлага, алба, салбарын захирагч нарын дунд эрдэм шинжилгээний онолын бага хурал зохион байгуулав. Энэхүү хурлаар үндсэн хоёр, хавсарга 10 илтгэлийг хэлэлцүүлсэн байна. Энэ нь ангийн үүрэг гүйцэтгэх чадавхыг нэмэгдүүлэх, сургалт бэлтгэлийн чанар, үр нөлөөг дээшлүүлэх чиглэлээр шинэ санал, санаачилга гаргасан ажил хэрэгч уур амьсгалд болж өндөрлөлөө. Тус ангийн нийт офицер, ахлагч нар уг хуралд оролцон, судлаачдын илтгэлийг сонсож, санал бодлоо илэрхийлсний зэрэгцээ судалгааны арга зүйд суралцсан юм. Цаашид ирэх сарын эхээр тус ангийн ахлагч нар судалгааны ажлынхаа илтгэлийг хэлэлцүүлэхээр төлөвлөн ажиллаж байна.
