Засгийн газраас өргөн мэдүүлсэн Өршөөлийн тухай хуулийн төслийг Хууль зүйн байнгын хороогоор хэлэлцлээ. Хууль зүй, дотоод хэргийн сайдын өгсөн мэдээллээр Замын хөдөлгөөний аюулгүй байдлын тухай хууль зөрчсөн үйлдэл ногдуулсан торгууль, шийтгэлийг Өршөөлийн хуульд хамруулахаар болсон байна.
Тодруулбал, өршөөлд хамруулахгүйгээс бусад Зөрчлийн хуульд заасан зөрчил үйлдэж оногдуулсан торгох, баривчлах шийдвэрийг нэг удаа өргөөн чөлөөлөхөөр, зөрчил үйлдсэн хүн, хуулийн этгээдэд холбогдуулан нээсэн зөрчлийн хэргийг хэрэгсэхгүй болгохоор төсөлд тусгажээ. Манай улсад нийт бүртгэсэн Зөрчлийн хэргийн 6 696 529 нь буюу 93 хувь нь Замын хөдөлгөөний аюулгүй байдлын тухай хууль зөрчсөн зөрчил байна.
2021 оны тавдугаар сарын байдлаар цагдаагийн байгууллагаас 6 154 933 удаагийн 169 тэрбум 648 сая төгрөгийн торгох шийтгэл ногдуулснаас 3 035 324 удаагийн 73 тэрбум 339 сая төгрөг, шүүхийн шийдвэрийн дагуу 1.9 тэрбум төгрөгийн торгох шийтгэл төлөгдөөгүй байна.
