Хунтайж Харри болон түүний эхнэр Меган Маркл нар бүл нэмсэн мэдээ Ням гарагт иржээ. Суссексийн гүн, гүнгийн авхай хоёр охинтой болсон байна. Их Британийн хаан ширээг залгамжлах гүнж энэ сарын 4-нд мэндэлсэн ч Харри, Меган нар хоёр өдрийн дараа л мэдэгджээ. Шинээр төрсөн охинд Лилибет Диана гэдэг нэр хайрлажээ. Хатан хаан II Элизабетыг гэр бүлийнхэн нь Лилибет гэж энхрийлэн нэрлэдэг байсан бөгөөд бяцхан охиныг талийгч эмээ болон өндөр эмээг нь хүндэтгэн ийнхүү нэрлэжээ.
