ОХУ-ын Ерөнхийлөгч В.Путиний Саудын Арабад хийж буй албан ёсны айлчлалаа өндөрлөө. Тус айлчлалын үеэр талууд газрын тос, эрчим хүч, сансар судлал, аялал жуулчлал, соёлын зэрэг олон салбарыг хамарсан 20 гэрээ байгуулсан байна. Айлчлалынхаа хүрээнд Оросын удирдагч Саудын Арабын хаан Салман бен Абдель-Азиз Аль Сауд, угсаа залгамжлагч хунтайж Мохаммед бин Салман Аль Сауд нартай уулзжээ. Ерөнхийлөгч Путин уулзалтыг туйлын бүтээлч, ажил хэрэгч болсон хэмээн тодорхойлов. Мөн ОХУ-ын төрийн тэргүүн Саудын хаан Салман бен Абдель-Азиз Аль Саудад хойд туйлын шонхор бэлэглэжээ. “Бид энэ охинд Альфа гэж нэр өгсөн юм. Гэхдээ Саудын тал өөрсдийн нэрээ өгнө биз дээ” гэж Путин бэлгээ гардуулахдаа хэлжээ. Эзэн хаан хариуд нь уран зураг барьсан байна. Өнөөдөр /2019.10.15/ ОХУ-ын Ерөнхийлөгч Арабын Нэгдсэн Эмиратыг зорих аж.
