Өнөөдөр гадаа 0 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
2 дугаар сарын 21-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 52 дахь өдөр бөгөөд он дуусахад 313 хоног үлдлээ.
- Цаг агаар өдөртөө 0 хэмийн дулаан бол шөнөдөө -16 градус хүйтэн байх нь ээ.
- Билгийн тооллын 17, гурван хөх мэнгэтэй шарагчин үхэр өдөр. Өнөөдөр үсээ авахуулах буюу засуулбал өнгө зүс доройтох гэнэ. Энэ өдөр тахиа, могой жилтнээ аливаа үйлийг хийхэд эерэг сайн,үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2639.00 төгрөгтэй тэнцэж байгаа бол бусад валют болох рубль 40.50, юань 392.00, вон 2.36 төгрөг байна.
Өнөөдөр болох онцлох үйл явдлууд:
- 11.00 цагаас Богд хаан ордон музейд Гайхамшигт өв соёл-Монгол уран хатгамал үзэсгэлэнгийн нээлт болно.
- 09.00 цагаас Хөдөлмөр, нийгмийн хамгааллын салбарын удирдах ажилтны зөвлөгөөн "Новотел" зочид буудлын хурлын танхимд болно.
- БСШУС-ын сайд Ё.Баатарбилэг 10.00 цагт салбарын хөрөнгө оруулалт, төсөл арга хэмжээний тендерт шалгарсан компанийн удирдлагуудтай уулзана.
- 11.00 цагт Корпорейт зочид буудалд эдийн засгийн сэтгүүлчдийн Өөрчлөгч клубээс “Утааг бизнес болгох боломж бий юу?” хэлэлцүүлэг зохион байгуулна.
- Үндэсний мэдээллийн төвд 11.00 цагаас Сэлэнгэ аймгийн Мандал суманд долоон настай хүүхдийн аминд хүрсэн этгээд нэг жилийн тэнсэн харгалзах ял авсан талаар талийгаач хүүгийн аав, ээж нь баримт дэлгэнэ.
Энэ өдөр дэлхийн түүхэнд:
- 1842 онд Америкийн зохион бүтээгч Жон Грийнау оёдлын машины анхны патентыг авчээ.
- 1918 онд "Каролина тоть" шувууны хамгийн сүүлийн төрөл нас баржээ.
- 1925 онд алдарт "Нью Йоркер" сэтгүүл анхны дугаараа эрхлэн гаргав.
- 1937 онд Үндэстнүүдийн лиг Испанийн иргэний дайнд гадны иргэдийг "сайн дураар" гэх нэрээр татан оролцуулахыг хоригложээ.
- 1948 онд Америкийн автомашины хамгийн том уралдаан болох "НАСКАР" зохиогдож, уидрлагын бүрэлдэхүүнтэй болжээ.
- Их Британийн Ерөнхий сайд Уинстон Черчиль бүх иргэнийг иргэний үнэмлэхтэй болгох шийдвэр гаргав.
- 1995 онд Канадын Саскатчеван мужийн Лидер тосгонд нисгэгч Стив Фоссетт агаарын бөмбөлөгтэй газарджээ. Ингэснээр тэрээр Номхон далайг агаарын бөмбөлөгтэй туулсан анхны хүн болсон юм.
