Өнөөдөр гадаа -5 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
2 дугаар сарын 18-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 49 дахь өдөр бөгөөд он дуусахад 316 хоног үлдлээ.
- Цаг агаар өдөртөө -5 хэмийн хүйтэн бол шөнөдөө -20 градус хүйтэн байх нь ээ.
- Билгийн тооллын 14, зургаан цагаан мэнгэтэй улаан нохой өдөр. Өнөөдөр үсээ авахуулах буюу засуулбал эд мал арвижих гэнэ. Энэ өдөр бар, морь жилтнээ аливаа үйлийг хийхэд эерэг сайн, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2635.00 төгрөгтэй тэнцэж байгаа бол бусад валют болох рубль 40.50, юань 388.70, вон 2.36 төгрөг байна.
Өнөөдөр болох онцлох үйл явдлууд:
- MN-Мэдээллийн төвд 11.00 цагаас Ардчилсан эмэгтэйчүүдийн холбооноос “Гэр бүлийн тухай хуулийг олон нийтээр хэлэлцүүлэн батлуулах тухай” сэдвээр мэдээлэл хийнэ.
- MN-Мэдээллийн төвд 11.30 цагаас “Маргаан эцэслэж нэгдмэл боллоо” хэмээн мэдэгдэж Монголын сагсан бөмбөгийн холбооноос хэвлэлийн бага хурал зарлалаа.
- Иргэний нийгмийн байгууллагууд 10.00 цагт АТГ-н дарга Х.Энхжаргалд тулган шаардах бичиг өгнө.
- 10.00 цагаас "БУЯНТ УХАА" спорт цогцолборт Монголын Бурханы Шашинтны Төв Гандантэгчэнлин хийдийн Тэргүүн их хамба лам, СГЗ, гавж Д.Чойжамц сүсэгтэн олонд ном айлдаж , Жанлавцогзол судрын тайлбар, лүн хүртээн, Хансүр, СГЗ, гавж Ё.Амгалан багш хүмүүний насны цөв, барцадыг арилгаж, насыг уртасгах “Цагаан Дарь-Эх” Бурханы НАСНЫ АВШИГ уламжлал ёсоор хайрлана.
Энэ өдөр дэлхийн түүхэнд:
- 2013 онд Бельгийн нийслэл Брюссель хотын нисэх буудлаас зэвсэглэсэн дээрэмчид 50 сая ам.доллартай тэнцэх очир эрдэнэ хулгайлжээ.
- 2007 онд алдарт WikiLeaks цахим хуудас шүгэл үлээгч Челси Маннингийн мэдээллийн дагуу хэдэн зуун мянган баримтыг дэлгэн тавив.
- 2003 онд Өмнөд Солонгосын Дегу метронд гал гарч 200 гаруй хүн амиа алдав.
- 2001 онд Холбооны мөрдөх товчооны тагнуул Роберт Ханссен ЗХУ-ын туршуул байсан нь тогтоогдож, бүх насаараа хоригдох ял хүлээв.
- 1965 онд Гамби улс Их Британиас тусгаар тогтнов.
- 1946 онд Британийн Засгийн газар өөрийн мэдлийн Энэтхэг улсад “Хатан хааны тэнгисийн хүчин”-г 78 хөлөг онгоц, 20,000 завьчинтайгаар байгуулав.
- 1911 онд Их Британийн Засгийн газар анх удаагаа агаарын илгээмжийн үйлчилгээг албан ёсоор нэвтрүүлэв. Албан ёсны анхны нислэгийг Хенри Пикье гүйцэтгэж Британийн Энэтхэгийн Аллахад хотод 6,500 захиа хүргэжээ.
