Элэг хамгаалах дэлхийн өдрийг энэ сарын 28-нд тэмдэглэдэг уламжлалтай. Энэ хүрээнд долдугаар сарын 27-нд төв талбайд эрүүл мэндийн өдөрлөг зохион байгуулах гэнэ. ХСҮТ, ХӨСҮТ, Нийгмийн эрүүл мэндийн үндэсний төв, нийслэлийн Эрүүл мэндийн газрынхан хамтран оролцох уг өдөрлөгийн үеэр 15аас дээш насныхны В, С вирусийг үнэгүй оношлохоос гадна элэгний хатуурлын хэмжээг тодорхойлох аж. Элэгний өвчлөлөөс сэргийлэх зөвлөмж, мэдээллийг энэ долоо хоногийн сүүлчээр олон нийтэд хүргэх юм байна. В, С вируст гепатит нь элэгний хатуурал, хорт хавдар үүсгэх шалтгаан болдог учраас дээрх өдөр иргэд шинжилгээнд идэвхтэй хамрагдахыг НЭМҮТ-өөс уриалав.
