Албан үүргээ гүйцэтгэж яваад амь үрэгдсэн баатруудынхаа гэгээн дурсгалд зориулж босгосон "Аврагчийн гараас - Амьдрал цэцэглэнэ" хөшөөт цогцолбор нээлтээ хийлээ. Дорнод аймгийн Хэрлэн сумын “Найрамдал” цэцэрлэгт хүрээлэнд сүндэрлэх уг хөшөөг тус аймгийн Онцгой байдлын газраас санаачлан босгосон бөгөөд үе үеийн аврагч, гал сөнөөгчдийг алдаршуулах, баатарлаг үйлсийг нь ард иргэдэд сурталчлах, шинэ үеийн залууст эх оронч үзлийг төлөвшүүлэх зорилготой юм байна.
