Өнөөдрийн тухай таны мэдэх ёстой 20 зүйл: Хамгийн хямд, эрчим хүчний хэмнэлттэй цахилгаан халаагуурын шинэ технологийг танилцуулна

1 дүгээр сарын 30-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 30 дахь өдөр бөгөөд он дуусахад 335 хоног үлдлээ.
2. Цаг агаар өдөртөө -13 хэмийн хүйтэн бол шөнөдөө -24 градус хүйтэн байх нь ээ. 
3. Билгийн тооллын 14, гурван хөх мэнгэтэй хар нохой өдөр. Өнөөдөр үсээ авахуулах буюу засуулбал эд мал арвижих гэнэ. Энэ өдөр бар, морь жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2423.00 төгрөгтэй тэнцэж байгаа бол бусад валют болох рубль 43.50, юань 381.70, вон 2.23 төгрөг байна.

Өнөөдөр болох онцлох үйл явдлууд: 

1. Гандантэгчэнлин хийдийн Хамба лам, \асан\ Гавж, Э.Эрдэнэпил хамбын мэндэлсний 130 жилийн ойд зориулсан Эрдэм шинжилгээний бага хурал 09.00-14.00 цагт МБШТ Гандантэгчэнлин хийдийн Шашны дээд сургуулийн хурлын танхимд болно.
2. Богд хааны ордонд 12.30 цагт "Гайхамшигт өв соёл-Монгол уран хатгамал" үзэсгэлэнгийн шилдгүүд болон Хаан, Хатан бүтээлд шагнал гардуулах ёслол болно. .Богдын ордонд үйлчин байсан хүмүүсийн үр удам ирнэ.
3. 19.00 цагаас HUB FUNCTION BAR-т хэвлэл мэдээллийн салбарт шинээр мэндэлж буй "SITARA" сэтгүүлийн нээлтийн үйл ажиллагаа болно.
4. Гадаад харилцааны яам Монгол Улсын Засгийн газраас хэрэгжүүлж буй “Монгол Улсыг гадаадад сурталчлах хөтөлбөр”-ийн хүрээнд “Монгол Улсын гадаад сурталчилгаа-Орчин үеийн урлаг” сэдэвт ээлжит хэлэлцүүлгийг 10.00-17.30 цагт тус яамны “Зөвшилцөл” танхимд зохион байгуулна.
5. 12.00 цагаас 9-р сард ашиглалтанд орох АШУҮИС-ийн Япон-Монголын Сургалтын Эмнэлгийн хүний нөөцийг чадавхижуулах JICA-тай хамтарсан төслийн тайлан хурал болж, Япон улсын нэр хүнд бүхий 2 профессорт АШУҮИС-н эрхэм шагнал болох Хүндэт Профессор цол олгох болно.
6. MN-Мэдээллийн төвд 12.00 цагаас “Анод”-ын Н.Даваа гэр хорооллын айл өрх, аж ахуйн нэгжүүдэд зориулсан хамгийн хямд, эрчим хүчний хэмнэлттэй цахилгаан халаагуурын шинэ технологи гаргаснаа танилцуулна.

Энэ өдөр дэлхийн түүхэнд: 

1. 1649 онд Английн хаан I Чарльзийг цаазлажээ.
2. 1789 онд Тай Сон эзэнт гүрний арми Танг Лонг хотыг Чин гүрний эзэрхийллээс чөлөөлжээ.
3. 1806 онд АНУ-ын Нью-Жерси мужийн Трентон хотыг Пеннсилвани мужийн Моррисуилль хоттой холбосон "Доод Трентоны гүүр" ашиглалтад оржээ.
4. Дэлхийн хамгийн анхны дүүжин гүүр Англси аралд нээгдэв. Баруун Уелсийг хойд хэсэгтэй холбосон энэ гүүрийг "Менайн дүүжин гүүр" гэж нэрлэдэг ажээ.
5. 1835 онд АНУ-ын ерөнхийлөгч Эндрью Жексоны амь насанд халдах эхний оролдлого гарав. Түүнд Ричард Лоуренс гэгч халдахыг завджээ.
6. 1847 онд Калифорни мужийн Ерба Буена хот Сан Франциско болж нэрээ өөрчлөв.
7. 1889 онд Австри-Унгарын угсаа залгамжлах хунтайж Рудольф, гэргий Мери Вецера нарын цогцосыг Маерлинг дахь зуслангаас нь олжээ.
8. 1908 онд Энэтхэгийн эрх чөлөөний төлөө тэмцэгч Мохандас Карамчанд Ганди хоёр сар шоронд хоригдсоны эцэст суллагджээ.
9. 1925 онд Туркийн засгийн газар Үнэн алдартны шашны хамба VI Константинийг нутгаасаа хөөн гаргажээ.
10. 1933 онд Адольф Гитлер Германы Канцлер болов.