Э.Цэндбаатар Педро Берналыг ялж аваргын бүсээ хамгаалав

Төв Азийн мэргэжлийн боксын аваргын бүс­ний төлөөх “Night of сhampions Ulaanbaa­tar-2025” тулаан “Аса арена”-д өнгөрсөн ам­рал­тын өдөр болж өндөрлөлөө. Дээрх тэмцээнд оролц­­­сон Монголын найман боксчноос Х.Энх-Амар Филиппиний тамирчин Майкл Эс­­ко­­биаг ялж, тулааны салхийг хагалан үзэгч­дийг ог­шоов. Түүний дараа Э.Баярсайхан Уз­бе­кис­та­ны та­мирчин Ибрахим Абдуллаевыг шүүгч­дийн сана­лаар буулган авснаар гурав дахь ту­­лааныг Х.Бек­нур үргэлжлүүлж, мэргэжлийн бок­сын рин­гэд анх удаа тулалдахдаа Киргизийн сонир­хогч­дын боксын аварга Токтосун Уулу Бек­болсуныг илүүрхсэн. Дөрөв дэх тулаанд О.Бямба-Эрдэнэ ОХУ-ын Руслан Кириченко, тав дахид Б.Мишээл Энэт­хэгийн Сунил Кумар, зургаа дахид Б.Төгөлдөр Уз­­­бе­­кис­таны Рахматиллоён Шари­фовыг ял­лаа. Долоо дахь тулааныг Гавьяат тамир­чин, “Лон­дон-2012” олимпын мөнгөн ме­дальт Н.Төгс­­цогт Филип­пиний Марк Ан­тони­той зур­гаан үе тулал­даж хожсон юм.

Тэмцээний сүүлийн тулаанд Гавьяат тамир­чин, Азийн аварга, дэлхийн хүрэл медальт Э.Цэнд­­­баатар Мексик улсын Педро Берналтай ту­лалд­сан. Тулааны зургаа дахь үед Педро Бер­налын дасгалжуулагч цагаан алчуур шидсэнээр манай тамирчин өрсөлдөгчөө илт давуугаар буул­­гаж авч, Төв Азийн хөнгөн жингийн авар­гын бүсээ хамгааллаа. Түүний тулааны бээлийг зарах дуудлага худалдаа зар­лахад Улсын харцага Г.Ган­хуяг 10 сая төг­рөгөөр худалдаж авав. Энэ нь мэргэжлийн боксын мон­гол ту­лаанч­дын хувьд ялал­тын бээлийгээ дуудлага ху­дал­даагаар зарсан анхны тохиолдол юм.