Нэрт эмч П.Н.Шастины хөшөөнд цэцэг өргөлөө

ОХУ-ын Элчин сайдын яамныхан зөв­лөл­тийн нэрт эмч Павел Николаевич Шастины мэн­ндэлсэн өдрийг тохиолдуулан Улсын гуравдугаар төв эм­нэлэг (УГТЭ)-т байрлах түүний дурсгалын хөшө­өнд өчигдөр цэцэг өргөлөө. П.Н.Шастин одоо­гоос 100 жилийн өмнө Монголын анхны ний­тийн эмнэлгийг бай­гуулж, орчин үеийн эрүүл мэндийн сал­барын үндэс суурийг тавь­жээ. Мөн тэрбээр Оросоос эм, эмнэлгийн хэрэг­сэл нийлүүлэх ажлыг зохион байгуулж, олон зуун монгол хүнийг эмчилсэн түүхтэй. Тэд­ний дотор их жанжин Д.Сүхбаатар ч байсан гэдэг. П.Н.Шастины үүсгэн байгуулсан эмнэлэг нь одоогийн Улсын нэгдүгээр төв эмнэлэг юм. Харин УГТЭ-ийг 1961 онд түүний нэрэмжит болгон, Монголд ажилласан 14 жилийнх нь хө­дөл­мөр зүтгэлийг мөнхжүүлсэн байна.

П.Н.Шастиныхан манай улсад дөрвөн үеэрээ ирж ажилласан, монголч эрдэмтэн, эмч нар байжээ. Тэрбээр Эрхүү мужийн Куйтун хэмээх газарт 1872 оны хоёрдугаар са­рын 10-нд төрсөн. Казанийн Анагаах ухааны болон Томскийн их сургуулийг төг­сөж, мэс заслын их эмч болсон аж. П.Н.Шас­тин манайд дэгдсэн тарваган та­хал, хижиг, цу­сан суулга зэрэг өвчинтэй тэм­цэ­хэд үнэ­тэй хувь нэмэр оруулжээ. Мөн мал эм­нэл­­гийн анхны академийн шавыг тавьж, хүн, ма­лын эмч нарын эвлэл байгуулсан гавь­яа­тай. Таш­рамд дурдахад, цэцэг өргөх ёс­лолд ОХУ-аас Монголд суугаа Элчин сайд А.Н.Евсиков оролц­лоо.

О.Оргилох