Азийн физикийн 23 дугаар олимпиад эхэллээ
Азийн физикийн 23 дугаар олимпиад Улаанбаатар хотноо өчигдөр эхэллээ. Тус олимпиадыг анх 2000 онд Индонез улсад зохион байгуулж байжээ. Манай улсын хувьд өмнө нь 2008 онд зохион байгуулж байв. Түүнээс хойш 15 жилийн дараа хоёр дахь удаагаа зохион байгуулж буй уг олимпиадыг нээж Ерөнхийлөгч У.Хүрэлсүх “Улс орнуудын шилдэг сурагчид оюун ухаанаа уралдуулж, эрдмийн талбарт танилцан нөхөрлөж, мэдлэг чадвар, туршлагаа солилцдог энэхүү олимпиад нь хүүхэд, залуусыг шинжлэх ухаанд дурлуулж, улс орнуудын хөгжлийг түүчээлэх ач холбогдолтой. Ази тивийн хөгжлийн ирээдүйг тодорхойлох манлайлагчид, алдар нэрээ дуурсгах эрдэмтэд, хүн төрөлхтний мэдлэгийн санг арвижуулах судлаачид, шинжлэх ухааны хөгжлийг урагшлуулах шинэ нээлтийн эзэд та бүхний дунд олноороо бий гэдэгт итгэл төгс байна. Монгол орны минь үүх түүх, өв соёлтой танилцаж, андын сайхан нөхөрлөлийг үүсгэн тавтай морилно уу хэмээн урьж байна” хэмээлээ.
2023-05-23
Өмнөговьд “Үлэг гүрвэлийн баяр”-тай
Түүнчлэн зорин ирсэн хүмүүсийг үлэг гүрвэлийн өлгий нутаг Баянзагтай танилцуулж, ховор, сор олдворууд үзүүлэн, палеонтологийн малтлага судалгаа, танин мэдэхүйн тусгай хөтөлбөрт хамруулахаар төлөвлөсөн аж.
2023-05-23
“Ирээдүйн инженерүүд”-д амжилттай оролцогчид ШУТИС-д суралцах эрхээр шагнуулав
ШУТИС-ийн нэрэмжит “Ирээдүйн инженерүүд” улсын анхдугаар олимпиадын шилдгүүдийг өчигдөр шалгарууллаа. Шилдэг инженерүүд бэлтгэх аяны эхлэл болгон тус олимпиадыг өнгөрсөн сарын 19-нөөс сарын хугацаанд 12 дугаар ангийн сурагчдын дунд зохион байгуулжээ. Сурагчдын математик, физик, хими, мэдээллийн технологи хичээлийн онолын суурь мэдлэг, инженерийн сэтгэх чадварыг сорьсон байна.
2023-05-23
Боловсролын салбарын маргааныг эцэслэж чадаагүй хууль
Чанартай, тэгш боломж бүхий боловсролын үйлчилгээ нийгэмд юу юунаас илүү үгүйлэгдэж буйг, засаж залруулах, өөрчлөн шинэчлэх зүйл тус салбарт өчнөөн байгааг нийтээрээ хөндөх болсон энэ цаг үед боловсролын хуулийн төслийг нийгмээрээ хэлэлцэж байна. Манай улс Боловсролын тухай хуулийг 2002 онд баталснаас хойш өнөөдрийг хүртэлх хугацаанд нийт 31 удаа нэмэлт, өөрчлөлт оруулсан.
2023-05-23
“Дижитал” иргэд тусгай үйлчилгээ шаардаж байна
Нөгөө талаас ихэнх ажил олгогч шинэ үеийнхний харилцаа, хандлага, ажиллах арга барилд шүүмжлэлтэй хандаж, тэднийг өөрчлөхийг хүсэх болов. Улмаар энэ нь энгийн нэг асуудал биш болохыг цаг хугацаа харуулаад буй бөгөөд “Z үеийнхнийг хэрхэн ажиллуулах вэ” гэсэн асуултыг ажил олгогчид зүй ёсоор тавихад хүрлээ.
2023-05-22
Монголын хичээлийн судалгааны нийгэмлэг нээлттэй өдөрлөг зохион байгууллаа
Монголын хичээлийн судалгааны нийгэмлэг нь 2013-2019 онд “Хүүхдийн хөгжлийг дэмжсэн багшлах арга зүй” онол, практикийн 7 удаагийн бага хурлыг жил бүр уламжлал болгон зохион байгуулж иржээ. Ковид цар тахлын нөлөөллөөс үүдэн тасалдаад байсан энэхүү бага хурлын 8 дахийг энэ жил нийгэмлэгийн 10 жилийн ойг тохиолдуулан зохион байгуулж байна. Бага хурлын үйл ажиллагаанд Японы олон улсын хамтын ажиллагааны байгууллага ЖАЙКА-гийн Токио дахь төвөөс Хүний хөгжлийн газрын дэд захирал Мияако КОБАЯАШИ, мэргэжилтэн Кенго ХАЯАШИ, Гакугей их сургуулийн профессор Камата МАСАХИРО, Мацүүра ШЮ нар хүрэлцэн ирж оролцож байна.
2023-05-21
Ж.Саведра: Цар тахлын үеэр Монгол хүүхэд залуусаа тасралтгүй сурч боловсрох боломжоор хангаж чадсан
Монгол Улсын Их Хурлын дарга Г.Занданшатар өнөөдөр Дэлхийн Банкны Боловсролын асуудал хариуцсан захирал Жэйми Саведраг хүлээн авч уулзлаа. Ноён Ж.Саведра цар тахлын хорио хязгаарлалтын үеэр Монгол улс боловсролын салбартаа тусгайлан стратеги хэрэгжүүлж, хүүхэд залуусаа тасралтгүй сурч боловсрох боломжоор амжилттай хангаж чадсан нь олон улсад сайн жишиг болсныг онцлов. Мөн цар тахлын дараах нийгэм, эдийн засгийн сэргэлтийн чухал цаг үед Дэлхийн Банкны зүгээс Монгол улсын боловсролын салбарт хэрэгжүүлж буй төсөл хөтөлбөрүүдээр дамжуулан хамтын ажиллагаагаа үргэлжлүүлэхэд таатай байгаагаа уулзалтын эхэнд илэрхийлэв.
2023-05-20
Боловсролын зээлийн сангийн мэдээллээр нээлттэй сонсгол хийхийг шаардлаа
Боловсролын зээлийн сангаас 1997 оноос хойш зээл, тэтгэлэг, буцалтгүй тусламж авсан иргэдийн мэдээллийг ил болгосон. Дотоодын тэтгэлэг, буцалтгүй тусламж, оюутны хөгжлийн зээл авсан 52 698, буцалтгүй тусламжид хамрагдсан 154 662, гадаадын зээл, тэтгэлэг авсан бакалаврын 42, магистр докторын 1950, Ерөнхий сайдын тэтгэлэгт хамрагдсан 23, Ерөнхийлөгчийн илгээлт 2100 хөтөлбөрт хамрагдсан 244 хүүхдийн мэдээллийг нээлттэй байршуулав.
2023-05-20
Боловсролын сайд нараас Л.Гантөмөр, Л.Энх-Амгалан хамгийн олон хүний зээлийг тэглэжээ
Тус сангаас зээл, тэтгэлэг авсан суралцагчдын 90 орчим хувь нь өндөр албан тушаалтан, мэдээлэлд ойр хүмүүсийн хамаарал бүхий этгээд байгааг онцлоод “Боловсролын зээлийн сан зорилго, чиглэлийнхээ дагуу үйл ажиллагаа явуулж, өндөр потенциалтай, санхүүгийн туслалцаа зайлшгүй шаардлагатай залууст ийм хэмжээний дэмжлэг үзүүлсэн бол үнэлж баршгүй хөрөнгө оруулалт болох байлаа” гэсэн юм. Мөн тэрбээр дэлхийд чансаагаараа тэргүүнд эрэмбэлэгддэг Харвардын их сургуульд 2013 онд тэнцсэн үедээ тус сангийн шударга бус шалгаруулалтад бүдэрч байснаа чтодотгов.
2023-05-17
Монгол хэл, бичгийн шалгалтыг наймдугаар сард дахин зохион байгуулна
Өөрөөр хэлбэл, 400-гаас дээш оноо авснаар тухайн төгсөгчийн их, дээд сургуульд элсэх эрх нь нээгдэх юм. Боловсролын үнэлгээний төвийн захирал Л.Ганбат үүний талаар “Өмнөх шалгалтад тэнцээгүй хүүхдүүд гурван сарын хугацаанд сайн бэлтгэж, оноогоо ахиулах боломжтой. Бүх хүүхдэд тэгш боломж олгох үүднээс энэ жил монгол хэл, бичгийн шалгалтыг дахин зохион байгуулахаар боллоо. Наймдугаар сард шалгалтдаа тэнцсэн хүүхдүүд ирэх намар их, дээд сургуульд элсэх боломжтой” хэмээн мэдээлэв.
2023-05-17
“Харандаа хомсдоогүй”
Өөрөөр хэлбэл, зургийн хичээлдээашигладаг модон харандаагаа ашиглаж болно” хэмээн мэдэгдлээ. Түүнчлэн 2B харандаа хомсодсон, эсэхийг бичиг хэргийн худалдаа эрхлэгч хэд хэдэн иргэнээс лавлахад тийм асуудал үүсээгүй хэмээлээ.
2023-05-17
ЕБС-ийн болон багшийн ажлын гүйцэтгэлийг үнэлж эхэллээ
Багшийн ажлын гүйцэтгэл, үр дүнг тодорхойлох үнэлгээг улсын хэмжээнд хоёр дахь удаагаа зохион байгуулж байна. Эхний жилийн гүйцэтгэлийн үнэлгээний үр дүнгээр нийт багш нарын 43 хувь нь 10-25 хувийн урамшуулалд хамрагдаж байгаа юм.
2023-05-16
Төгсөх ангийн сурагчдын улсын шалгалтын товыг гаргалаа
Тэгвэл суурь боловсрол эзэмших есдүгээр ангийн сурагчид ирэх сарын 5-8-нд монгол хэл, математик, гадаад хэл болон сонгосон нэг хичээлээрээ шалгалт өгнө. Бүрэн дунд боловсрол эзэмших төгсөх ангийн сурагчид, мэргэжлийн сургалт, үйлдвэрлэлийн төвд суралцагчдаас дээр дурдсантай адил хугацаанд шалгалт авах хуваарь гаргасан байна. Шалгалтыг орон даяар зэрэг эхлүүлэх бөгөөд тавдугаар ангийнх 60, ес, 12 дугаар ангийнх нь 80 минутын хугацаатай байх гэнэ.
2023-05-15
“Өсвөр үеийнхэн, байгаль орчин ба хууль” төсөлд 3000 сурагч хамруулав
МУИС-ийн Экологийн боловсролын төв, ХБНГУ-ын Ханнс Зайделийн сан хамтран “Өсвөр үеийнхэн, байгаль орчин ба хууль” төслийг хоёр дахь жилдээ хэрэгжүүлж буй. Үүний хүрээнд зохион байгуулсан хаврын сургалт, танин мэдэхүйн аялалд Чингэлтэй, Сонгинохайрхан дүүргийн ерөнхий боловсролын сургуулийн 3000 сурагчийг хамруулж, байгаль орчин, хууль, эрх зүйн мэдлэг олгожээ. Дараагийн сургалт, аяллыг арваннэгдүгээр сард зохион байгуулж, Сонгинохайрхан дүүргийн өсвөр үеийн 2000 орчим хүүхдийг хамруулахаар төлөвлөсөн байна. Сурагчдад экологийн боловсрол олгох зорилготой танин мэдэхүйн аяллыг Экологийн боловсролын төвийн судлаач, мэргэжилтнүүд хариуцсан бол хууль, эрх зүйн хүрээний мэдлэг, мэдээлэл өгөх сургалтыг Экологийн цагдаагийн албаны Урьдчилан сэргийлэх, хамтын ажиллагааны хэлтэс, Гэмт хэргээс урьдчилан сэргийлэх ажлыг зохицуулах зөвлөлийнхөн орсон аж.
2023-05-12
