Амьд малын дуудлага худалдааг эхлүүлэх нь
Амьд малын дуудлага худалдааг ирэх баасан гарагт эхлүүлэх тухай “Хөдөө аж ахуйн бирж” ХХК-иас мэдээллээ. Малын төвлөрсөн арилжааг ХХААХҮЯ, Мал эмнэлгийн ерөнхий газар, Монголын махны холбоо, Аргалант сумын ЗДТГ хамтран “Эмээлт” захын ойролцоох ложистикийн төвд 09.00 цагт зохион байгуулах аж. Өдгөө тус биржийн арилжааны дүнгийн дийлэнх нь ноолуурт ногдож буй юм. Тухайлбал, дээрх бирж өнгөрсөн сарын сүүлийн долоо хоногт таван удаагийн цахим арилжаа зохион байгуулан 90 хэлцлээр 18.7 тэрбум төгрөгийн үнийн дүн бүхий бараа, түүхий эд борлуулсан байна. Энэ хугацаанд ямааны угаасан ноолуур 40 тонныг 16.8, тосны ургамал 836 тонныг 1.3 тэрбум, хонины ноос 180 тонныг 290 сая төгрөгөөр худалджээ.
2023-11-07
МХБ-ээр 41 компанийн 1.5 сая хувьцаа арилжаалжээ
Монголын хөрөнгийн биржийн өнөөдрийн арилжаагаар 41 хувьцаат компанийн 246 012 021 төгрөгийн үнийн дүн бүхий 1 500 923 ширхэг хувьцаа арилжаалагджээ. Үүнээс 13 компанийн хувьцааны ханш өсч, 17 компанийн хувьцааны ханш буурсан бол 11 компанийн ханш тогтвортой байлаа.
2023-11-06
Шахмал түлшний барьцалдуулагчийг 100 хувь дотоодоос худалдан авна
Түлшний орц, найрлагын 95 хувь нь угааж баяжуулсан нүүрс буюу мидлинг бол таван хувь нь барьцалдуулагч бүтээгдэхүүн аж. Ийм барьцалдуулагчийг жилд 25 000 тонныг хэрэглэдэг бөгөөд 50 хувийг нь БНХАУ-аас, үлдсэнийг нь дотоодын үйлдвэрлэгчдээс авдаг юм байна. Тэгвэл ирэх оноос барьцалдуулагч бодисоо 100 хувь дотоодын компаниас авахаа мэдээллээ. Үүний тул дотоодын үйлдвэрлэгчид стандартад нийцсэн бүтээгдэхүүн үйлдвэрлэх, хүн, байгаль орчинд сөрөг нөлөө үзүүлэхгүй байх үндсэн шаардлагыг хангах хэрэгтэй гэв. Мөн техникийн тодорхой шаардлагуудыг хангасан барьцалдуулагч бүтээгдэхүүн нийлүүлэх хэрэгтэйг “Тавантолгой түлш”-ээс онцоллоо.
2023-11-06
“Барилгын материалын чанарт баталгаа өгч чадахгүй”
Манай улс барилгын материалынхаа 37 хувийг одоогоор дотооддоо үйлдвэрлэн, үлдсэнийг нь импортолж буй аж. Түүнчлэн дотоодын зах зээлд борлуулж буй материалын 40 гаруй хувь нь чанар, стандартын шаардлага хангадаггүй, эрүүл мэнд, байгаль орчинд сөрөг нөлөөтэй хэмээн тооцож байгааг өнгөрсөн сарын эцэст зохион байгуулсан “Барилгын материалын чанар, стандарт” хэлэлцүүлгийн үеэр мэргэжилтнүүд хөндсөн.
2023-11-06
Үнэт цаасны салбарт 608 компани үйл ажиллагаа явуулж байна
Санхүүгийн зохицуулах хороо Монголын үнэт цаасны арилжаа эрхлэгчдийн холбоо хамтран үнэт цаасны салбарт мөнгө угаах болон терроризмыг санхүүжүүлэхтэй тэмцэх тухай хуулийн хэрэгжилтийг хангах, ФАТФ-ын зөвлөмж, стандартыг үр дүнтэй биелүүлэхэд тулгамдаж буй асуудлыг шийдвэрлэх, нэгдсэн ойлголтод хүрэх зорилгоор “Комплаенсын эрсдэлийг удирдахуй” нээлттэй хэлэлцүүлгийг зохион байгуулжээ.
2023-11-06
Тогтвортой хөгжлийн зорилгын талаарх хэлэлцүүлэгт 120 гаруй хүн оролцжээ
Тогтвортой хөгжлийн зорилгын хэрэгжилтийг хурдасгуурын замын зураглал боловсруулах хэлэлцүүлгийг зохион байгууллаа. Хэлэлцүүлэгт төр, хувийн хэвшил, эрдэмтэн судлаачид, залуучууд, иргэний нийгмийн байгууллагуудын төлөөлөл нийт 120 гаруй хүн оролцож, Тогтвортой хөгжлийн зорилгын хэрэгжилтийн 12 хурдасгуур, салбарын хүрээнд тулгамдаж буй асуудал, шийдлийг хэлэлцэж, замын зураглалын төсөлд шаардлагатай санал, зөвлөмжийг нэгтгэн боловсруулжээ.
2023-11-05
Монгол-Вьетнамын чиглэлд тогтмол нислэгтэй болно
Бүгд Найрамдах Социалист Вьетнам Улсын Ерөнхийлөгч Во Ван Тыөнгийн урилгаар тус улсад төрийн айлчлал хийж буй Монгол Улсын Ерөнхийлөгч У.Хүрэлсүх Монгол – Вьетнамын бизнес форумд оролцлоо.
2023-11-03
Амьд малын төрөлжсөн худалдаа зохион байгуулна
Хөдөө аж ахуйн биржийнхэн Эмээлтэд байрлах ложистикийн төвд амьд малын төрөлжсөн худалдаа зохион байгуулах юм байна. Энэхүү төрөлжсөн худалгаагаар таваарын малын арилжаанаас гадна шилмэл сайн үүлдрийн малыг дууд борлуулах нь ээ. Мөн өвс тэжээлийн худалдаа болно хэмээн салбарын яамнаас мэдээллээ. Эрчимжсэн аж ахуйчид, хоршоологч, малчид гээд бүгд нэг дор цуглах нь. Малчид энэ үеэр бүтээгдэхүүнээ мах бэлтгэлийн үйлдвэрт шууд нийлүүлэх боломжтой. Малчдад мал эмнэлгийн шаардлага хангасан мах борлуулах ганцхан шаардлага тавьж байгаа аж.
2023-11-03
“Иргэдийн худалдан авах чадвар 50 хувиар буурсан”
Ардчилсан намын “4-11” мэдээллийн цагаар өчигдөр Хэрэг эрхлэх газрын дарга Н.Лхагвадорж, дэд дарга Ц.Жадамбаа, Ч.Өнөрбаяр нар цаг үеийн сэдвээр байр сууриа илэрхийлэв. “Өрийн дарамтгүй Монгол” аяныг тус намаас хэрэгжүүлж, орон даяар иргэд, бизнес эрхлэгчидтэй уулзан, санал, бодлыг нь сонсож буй. Энэ талаар тус намын дэд дарга Ц.Жадамбаа “Улсын гадаад өрийн хэмжээ 33.8 тэрбум ам.доллар буюу 116 их наядад хүрчээ. Үүнийг иргэдэд хувааж үзвэл нэг хүнд 33 сая төгрөгийн өр ногдож байна. Би Баянзүрх дүүрэгт 20-85 насны 500 гаруй хүнийг хамруулсан судалгаа хийж үзлээ. Оролцогчдын 50 хувиас илүү нь өртэй байна. Тэд цалин нэмээч, боломж олдвол гадагш явж ажилламаар байна гэсэн санал хэллээ.
2023-11-03
433.1 мянган тонн үр тариа хураана
2023 онд улсын хэмжээнд 339.5 мянган га-д үр тариа, үүнээс 316.9 мянган га-д улаанбуудай, 18.3 мянган га-д төмс, 13.4 мянган га-д хүнсний ногоо,101.7 мянган га-д малын тэжээл, 121.4 мянган га-д тосны ургамал, 7.0 мянган га-д жимс, жимсгэнэ, нийтдээ 601.3 мянган га-д тариалалт хийжээ.
2023-11-03
Цахим зээлдэгчийн тоо гурав дахин өссөн ч зээлийн хүү 30-40 хувь хэвээр
Манай улсад банк бус санхүүгийн болон даатгалын байгууллага, хадгаламж зээлийн хоршоо гээд банкнаас бусад санхүүгийн салбар эрчимтэй хөгжин, бүтээгдэхүүн үйлчилгээнийх нь зах зээл тэлж буй. Өссөн гэхийн учир нь тухайн байгууллагын санхүүгийн тайлангаас харагдана. Тодруулбал, одоогоос таван жилийн өмнө буюу 2019 оны хоёрдугаар улирлын байдлаар ББСБ-аас онлайн зээл авсан хүний тоо 360 000 байсан бол энэ жилийн хоёрдугаар улиралд дээрх тоо гурав дахин өсөн, нэг саяыг давжээ.
2023-11-03
МХБ-ийн арилжаагаар 13 компанийн ханш буурчээ
МХБ-ийн өнөөдрийн энгийн арилжаагаар 38 хувьцаат компанийн 81 742 031 төгрөгийн үнийн дүн бүхий 231 774 ширхэг хувьцаа арилжаалагджээ. 16 компанийн хувьцааны ханш өсч, 13 компанийн хувьцааны ханш буурсан бол 9 компанийн ханш тогтвортой байлаа.
2023-11-02
ХААДС-ийн 83 албан хаагчийг шалгаж, арга хэмжээ авчээ
Монгол Улсын Засгийн газрын хэрэг эрхлэх газраас 2023 оны гуравдугаар сарын 17-ны өдрийн ХЭГ/595 дугаартай тоотоор Хүнс, хөдөө аж ахуй, хөнгөн үйлдвэрийн яам болон харьяа газруудаас ирүүлсэн чиглэлийн дагуу Хөдөө аж ахуйг дэмжих сангийн Гүйцэтгэх захирлын А/63 тоот тушаалаар ажлын хэсэг байгуулагдан ажиллаж байна.
2023-11-02
Замын-Үүдийн боомтоор улаанбуудайн хивэг экспортлох асуудлаар хэлэлцжээ
Монгол Улс, БНХАУ-ын хилийн гаалийн байгууллагын холбоо баригч дарга нарын 2023 оны хуралдаан Замын-үүдэд боллоо. Хуралдаанаар Замын-Үүд Эрээний автозамын хилийн боомтын үйл ажиллагааг 24 цагийн горимд шилжүүлэхтэй холбоотой асуудлаар хэлэлцэж, Хятадын талаас хийх судалгаа, үнэлгээ, төлөвлөгөөний явцын үр дүнг харгалзан дахин хэлэлцэж тохирох шийдвэрт хүрчээ.
2023-11-02
