“Angry Birds” тоглоом маш олон хэрэглэгчтэй болж, цахим тоглоомын зах зээлд амжилт олоод байгаа. Тус тоглоомын шинэ хувилбар буюу “Angry Birds Space” гарч, тоглоомын хорхойтнуудад бэлэг барьлаа. Шинэхэн хувилбарыг та “iPhone”, “iPad”, “iPod touch” болон андройд үйлдлийн системээр ажилладаг бүтээгдэхүүн ба макентош, персональ компютер зэрэг төхөөрөмж дээр тоглож болно.
“Аngry Birds Space” нийт 60 үетэй бөгөөд газар хөдлөлт, нуугдсан эрдэнэс, нууц үе гэх мэт олон гайхалтай шинэчлэлийг өөртөө багтаажээ. Тоглоомыг үндэслэгч “Rovio” компани бүтээгдэхүүнээ цаашид ч сайжруулна гэдгээ мэдэгдсэн.
Энэхүү тоглоомыг андройдын хэрэглэгчид шинээр нээгдсэн “Google Play” дэлгүүрээс, Макентошийн хэрэглэгчид “Mac App Store”, персональ компютерийн хэрэглэгчид “Rovio”- ийн цахим хуудаснаас татан авах боломжтой юм.
Г.ЗАЯА
