Улсын бүртгэлийн ерөнхий газар (УБЕГ)- ын burtgel.gov.mn сайтын “Сонгогчийн нэрийн жагсаалт” цэсэд нэвтэрснээр иргэд өөрийн мэдээлэл болон оршин суугаа хаягт нь хэдэн сонгогч бүртгэлтэйг нягтлах боломжтой. Гэтэл зарим иргэн уг цэсэд нэвтэрч болохгүй байна гэсэн гомдлыг бидэнд ирүүлсэн юм. Тухайлбал, гар утас, компьютероос дээрх цэсэд нэвтрэхээр холболтын алдаа заагаад буй гэнэ. Үүний шалтгааныг УБЕГ-аас тодруулахад “Тухайн иргэний ашиглаж буй интернэтийн асуудалтай л холбоотой.
Хэд хэдэн хүний төхөөрөмжөөс нэвтэрч үзэхэд манай систем хэвийн ажиллаж байна” гэсэн хариу өглөө. Үүнтэй холбоотойгоор өөр өөр байршилд интернэт хэрэглэж байгаа 10-аад хүнийг дээрх цэсэд нэвтрэхийг хүсэхэд үнэхээр л холболтын алдаа заагаад мэдээллээ шалгаж чадсангүй гэв. Харин УБЕГ-ын сайтаар дамжихгүйгээр election.burtgel.gov.mn холбоосыг бичихэд сонгогчийн нэрийн жагсаалт руу шууд нэвтэрч болж байна гэсэн хүн ч байлаа.
Бэлтгэсэн: А.Үүлэн
