Хөвсгөл аймагт нэг омог, дөрвөн үүлдрийн гойд ашиг шимт, хээлтүүлэгч мал үржүүлдэг. Тодорхой хэлбэл, Төмөрбулаг сумд “Эрчим” үүлдрийн хар ямаа, Ренчинлхүмбэ сумд “Дархад” үүлдрийн хонь, Цагаан-Уул сумд “Цагаан-Уул” үүлдрийн хуц, Алаг-Эрдэнэ сумынхан нутгийн үүлдрийн сарлаг, Улаан-Уул сумд “Дархад” омгийн цагаан адууг үржүүлж, бусад аймаг сумдад тараадаг, зах зээлд ч эрэлт ихтэй байдаг аж. Монгол орны хамгийн цэнгэг усаар ундаалдаг, эмийн ургамал иддэг, байгалийн сайханд бэлчдэг басхүү илүү нугаламтай, хүйтэнд тэсвэртэй тусгай үүлдрийн хонь, сарлаг, адууг малчид нарийн ур ухаан гаргаж, маллаж, хариулдаг. “Цагаан-Уул” үүлдрийн төлгөн хонь гэхэд амьдын жин нь 47-52 кг татдаг. “Эрчим” үүлдрийн хар ямааны сүүний гарц сайн, ноолуур илүү зөөлөн нарийн ширхэгтэй, будганд амархан ордог аж. Мөн Монгол үүлдрийн сарлагийн хөөвөр ноолууртай дүйцэхүйц зөөлөн, дулаан байдаг гэнэ. "Органик мах Хөвсгөл Экспо-2023” үзэсгэлэнгийн үеэр эдгээр үүлдэр, омгийн малаас гойд ашиг шимт, хээлтүүлэгч малыг шалгарууллаа.
Тодруулбал,
- Төмөрбулаг сумын малчин Б.Баяраагийн Эрчим хар үүлдрийн 603636 хувийн дугаартай нас гүйцсэн ухна -Тэргүүн байр
- Бүрэнтогтох сумын малчин Л.Ариунболдын Эрчим хар үүлдрийн 600919 хувийн дугаартай настай гүйцсэн хээлтүүлэгч-Дэд байр
- Төмөрбулаг сумын малчин Д.Батмягмарын Эрчим хар үүлдрийн өсвөр хээлтүүлэгч-Тэргүүн байр
- Хөвсгөл аймгийн Цөм сүргийн үржлийн төвийн Эрчим хар үүлдрийн 601849 хувийн дугаартай өсвөр хээлтүүлэгч ямаа- Дэд байр
- Цагаан-Уул сумын П.Төртогтох захиралтай Цагаан-Уул ариун сүрэг мал үржүүлэг технологийн ажил үйлчилгээний нэгжийн Цагаан-Уул үүлдрийн 300662 хувийн дугаартай нас гүйцсэн хээлтүүлэгч хуц- Тэргүүн байр
- Ренчинлхүмбэ сумын Д.Бямбацогт захиралтай Шишгэд мандал ХХК-ийн Дархад үүлдрийн Бор халзан зүстэй нас гүйцсэн хээлтүүлэгч хуц-Тэргүүн байр
- Цагаан-Уул сумын П.Төртогтох захиралтай Цагаан-Уул ариун сүрэг мал үржүүлэг технологийн ажил үйлчилгээний нэгжийн Цагаан-Уул үүлдрийн 303091 хувийн дугаартай өсвөр хээлтүүлэгч хуц-Тэргүүн байр
- Ренчинлхүмбэ сумын Д.Бямбацогт захиралтай Шишгэд мандал ХХК-ийн Дархад үүлдрийн 303023 хувийн дугаартай хар нүдэн зүстэй өсвөр хээлтүүлэгч хуц-Тэргүүн байр
- Бүрэнтогтох сумын малчин Л.Ариунболдын Монгол үүлдрийн 301918 хувийн дугаартай нас гүйцсэн хээлтүүлэгч-Тэргүүн байр
- Алаг-Эрдэнэ сумын малчин О.Чинбатын Монгол үүлдрийн бор зүсмийн нас гүйцсэн сарлагийн бух-Тэргүүн байр
- Баянзүрх сумын малчин Э.Мөнхбатын Монгол үүлдрийн бор тарлан зүсмийн өсвөр сарлагийн бух-Тэргүүн байр
- Алаг-Эрдэнэ сумын малчин О.Чинбатын Монгол үүлдрийн бор зүсмийн өсвөр сарлагийн бух -Дэд байр
- Хөдөөгийн шийдэл ОНӨХХК-ийн Герефорд үүлдрийн улаан халзан бух- Тэргүүн байр
