Хил хамгаалах байгууллагын түүхт 90 жилийн ойн хүрээнд Хилийн цэргийн 0303 дугаар анги “Шилдэг офицер-2023” марш тактикийн тэмцээнийг зохион байгууллаа. Уг тэмцээнд офицерууд галын бэлтгэл, биеийн тамир, ҮОХЗ-ийн нормативууд, гардан тулаан, онолын шалгалт, урлагийн номер, хэрэглээний оффис программын мэдлэг, эрэгтэй, эмэгтэй 12 км-ийн 9 цэгийн ажиллагаанд хурд хүч, авхаалж самбаа, тэсвэр хатуужил, оюун ухаан, авьяас чадвараа дайчлан амжилттай оролцжээ. Тэмцээнд эрэгтэй 20, эмэгтэй 5 нийт 25 офицер оролцсоноос эрэгтэй төрөлд Тусгай томилгоот заставын дарга, дэслэгч Б.Батдаваа “Тэргүүн” байр, Тусгай бэлтгэлийн заставын эрэн хайх аврах ажиллагаа хариуцсан орлогч, дэслэгч Г.Гүррагчаа “Дэд” байр, эмэгтэй төрөлд Сэтгэл зүйн бэлтгэлийн албаны Ажиллагааны сэтгэл зүйч офицер, дэслэгч Б.Батчимэг “Тэргүүн” байр, Эрүүл мэндийн төвийн Их эмч, дэслэгч Ц.Номинжаргал “Дэд” байранд шалгарлаа.
Мөн Хилийн цэргийн 0257 дугаар ангийн шилдэг офицер шалгаруулах тэмцээнд эмэгтэй 5, эрэгтэй 12 офицер, нийт 17 офицер оролцлоо. Тус тэмцээн нь галын бэлтгэл, биеийн тамирын норматив, гардан тулаан, онол, эрх зүйн мэдлэг, урлагийн үзүүлбэр зэрэг төрлүүдээр хурд, хүч, авхаалж самбаа, авьяас чадвараа сорин өрсөлдсөнөөс Хилийн цэргийн 0304 дүгээр салбарын захирагч, ахлах дэслэгч Б.Ганбүүрэг, Социологи, дүн шинжилгээний ахлах офицер, ахмад Д.Гэрэлтуяа нар тэргүүлж, ХХЕГ-т зохион байгуулагдах “Шилдэг офицер” шалгаруулах тэмцээний ll шатанд оролцох эрхээ авлаа.
