Улсын баяр наадмын Үндэсний сурын харвааны төрөлд 40 сумнаас 37 сум онож дэд байр эзэлж "Улсын гарамгай мэргэн" цол хүртсэн Зэвсэгт хүчний 327 дугаар ангийн алба хаагч, спортын мастер, ахлах ахлагч Мэлсийн Бат-Оршихыг анги хамт олон нь өнөөдөр ёслол төгөлдөр угтан авч, хүндэтгэл үзүүллээ.
Улсын гарамгай мэргэн, ахлах ахлагч М.Бат-Орших болон Дорнод нутгийн үндэсний сур харваачдыг тус ангийн штабын дарга, нэгдүгээр орлогч дэд хурандаа Б.Адъяа тэргүүтэй бүрэлдэхүүн “Монгол дайчдын хөшөө” цогцолбортоо хүндэтгэлтэйгээр угтан авч, баяр хүргэв. Энэ үеэр ангийн захирагчийн сайшаалын тушаал, ахлагчийн зөвлөлийн дурсгалын зүйлийг гардуулан өгч, урлагийн тоглолтыг өргөн барьсан юм.
Эх сурвалж: Хошууч Д.Ганбаатар
