Хил хамгаалах алба нь Монгол Улсын хилийг халдашгүй дархан байлгах албан үүрэгтэй. Тус байгууллагын 90 жилийн ой энэ жил тохиож байна. Ойн хүрээнд өнөөдөр Төв цэнгэлдэх хүрээлэнд цэргийн ёслолын жагсаал, хүндэтгэлийн тоглолт эхэллээ.
Хөтөлбөрийн дагуу нээлт, баярын цуглаан, цэргийн ёслолын жагсаал, баярын хүндэтгэлийн тоглолт 11.00-13.00 цагийн хооронд болох юм. Тоглолтод төрийн хошой шагналт Ардын жүжигчин Зууны манлай хөгжмийн зохиолч Л.Мөрдоржийн нэрэмжит Хилийн цэргийн дуу бүжгийн чуулгын үе үеийн уран бүтээлчид болон албан хаагчид оролцож байна.
