Өнөөдөр 12:00 цагийн байдлаар Нийтийн тээврийн үйлчилгээний 117 чиглэлд 711 тээврийн хэрэгсэл ажиллаж байна. Үүнээс 105 чиглэлийн 711 тээврийн хэрэгсэл хэвийн ажиллаж, Авто зам, замын байгууламж хаагдсантай холбогдуулан зохицуулалтаар 12 чиглэлийн замналд өөрчлөлт оруулан 114 тээврийн хэрэгсэлд дараах зохицуулалт хийн ажиллаж байна.
1. Алтай хотхоны орчимд Дунд гол дагуу далан сэтэрч зам хаагдсан тул Ч:61 Офицеруудын ордон чиглэлийн 13 тээврийн хэрэгсэл, Ч:70 Тэц3-Ард кинотеатр чиглэлийн 5 тээврийн хэрэгсэл Чингисийн өргөн чөлөөний зарим зогсоолыг дайран өнгөрч үйлчлэхээр,
2. Олимпийн гүүрний буцаж эргэх эргэлт хаагдсантай холбогдуулан Ч:30 Жанжин клуб Ард кино театр чиглэлийн 10 тээврийн хэрэгсэл Энхтайваны өргөн чөлөөний зарим зогсоолыг дайран өнгөрч үйлчлэхээр,
3. Буянгийн замын орчмын Сэлбэ голын далан сэтэрсэнтэй холбогдуулан Нарны зам хаагдаж Ч:06, Ч:06А Толгойт Ботаник чиглэлийн 20 тээврийн хэрэгсэл , Ч:17А Баруун 4 зам Нарны зам чиглэлийн 6 тээврийн хэрэгсэл, Ч:17Б Баруун 4 зам их чиглэлийн 6 тээврийн хэрэгсэл Энхтайваны өргөн чөлөөний зарим зогсоолыг дайран өнгөрч үйлчлэхээр,
4. Энх тайвны гүүрний доод эргэлт хаагдсантай холбогдуулан Ч:56 Архивын Ерөнхий газар 120 мянгат чиглэлийн 7 тээврийн хэрэгсэл, Ч:42 Зайсан Сүлжмэл чиглэлийн 11 тээврийн хэрэгсэл, Ч:32Б Офицеруудын ордон Тэц-3 чиглэлийн 6 тээврийн хэрэгсэл, Ч:10 Ганц худаг Тэц-3 чиглэлийн 16 тээврийн хэрэгсэл, Ч:44 Нарангийн гол-Дүнжингарав чиглэлийн 16 тээврийн хэрэгсэл зохицуулалтаар Нийслэлийн гудамжны зарим зогсоолыг дайран өнгөрч үйлчлэхээр чиглэлийн замналд тус тус өөрчлөлт оруулан ажиллаж байна.
