Цагдаагийн байгууллагад энэ сарын 8-ны өдрийн 10.36 минутад “Лифтэнд олуулаа суулаа” хэмээн шаардлага тавьсаны төлөө намайг зодчихлоо" гэх дуудлага иржээ.
Мэдээллийг шалгахад Сонгинохайрхан дүүргийн 38 дугаар хороо "Залуус" хорооллын байрны оршин суугч иргэн У цахилгаан шатанд олуулаа суулаа гэж шаардлага тавихад 3-4 охид бүлэглэн бие эрх чөлөөнд нь халдаад зугтжээ.
СХД-ийн цагдаагийн газрын нэгдүгээр хэлтсээс хэрэг бүртгэлтийн хэрэг нээн хохирогчийн биед учирсан гэмтлийг тодорхойлуулахаар шинжээч эмчийг томилсон. Мөн иргэний бие, эрүүл мэндэд халдсан гэх гурван эмэгтэйг эрэн сурвалжилж олж тогтоон шалгалтын ажиллагааг үргэлжлүүлж байна.
