Чингэлтэй дүүргийн Тохижилт үйлчилгээ ХХК, “Найши трейд” ХХК хариуцсан зам талбайн цэвэрлэгээ, авто замын халтиргаа, гулгааг арилган ажиллалаа. Өчигдрийн байдлаар зам, талбайн нийт 155 үйлчлэгч, ажилтан нийтийн эзэмшлийн гудамж, зам талбайн цас мөс халтиргаа гулгааг тогтмол цэвэрлэв. Мөн давс, бодис цацах, замын нуухын цэвэрлэгээ хийх тусгай зориулалтын 6 камаз, 4 шүүрдэгч техник, 4 ковш, үлээгч төхөөрөмж гэсэн техник хэрэгсэлтэйгээр цэвэрлэгээнээс гарсан цасыг тогтмол тээвэрлэж байна.
Чингэлтэй дүүргийн Тохижилт үйлчилгээ ХХК төвийн бүс болон гэр хорооллын төв болон туслах замуудад нийт 98 тонн давс, 15 метр куб дайрга болон 2 тонн бодис цацаж, нийт 130 гаруй хүний бүрэлдэхүүнтэй 8 техник хэрэгсэлтэйгээр ажиллаж байна.
”Найши трейд” ХХК 3 техник хэрэгсэл, 16 хүний бүрэлдэхүүнтэйгээр зуслангийн бүс болох Ойн жим, Шадивлан, Яргайт, Яргайтын богино, Жигжид чиглэлийн авто замуудад 8 тонн давс, 2 тонн бодис цацан, зам, талбайн цэвэрлэгээг тогтмол гүйцэтгэн ажиллаж байна.
