Баянзүрх Эко тохижилтын хамт олон 66 хүний бүрэлдэхүүнтэй, 20 хүнээр цасны бригад жижүүрлэн өгсүүр, налуу, уруу хэсгүүдэд байршуулсан нөөц давс, бодисны хайрцагаас 4 төхөөрөмжөөр ажиллаж, нийтдээ 1,2 сая м.кв талбайд 17,1 тонн давс, 3,5 тонн бодисын цацалт хийлээ.
Ойр орчмын 50м газраа цэвэрлэх уриалгыг 2500 иргэн, 957 аж ахуйн нэгж, 134 СӨХ дэмжиж 30.000м2 талбайн цас мөсийг цэвэрлэжээ.
Иргэдээс ирүүлсэн саналын дагуу Баянмонгол хороолол , Халдварт, Өгөөмөр, Монел холбосон зам, Цагаан даваа, Цайзын уулзвар, 21-р хороо, Дарь эхийн замууд, Баганат Академи, Хилийн цэргийн уулзвар замууд, Улиастайн гүүр, Хужир булангын замуудад авто грейдрээр хусалт хийлээ.
Тав зам дагуух цас хайлалт тааруу байсан учраас дахин цацалт хийсэн. Мөн Баянзүрх дүүргийн хэмжээнд 16 байршилд давс бодисын сав байршуулж, үүнд Онцгой байдлын хэлтсийн алба хаагчид 4 автомашинтай ирж давс бодисын савыг дүүргэж өгч дэмжиж ажиллалаа.
Иргэдийнхээ эрүүл, аюулгүй орчинд амьдрах эрхийг хангаж өгөхийн төлөө амралтгүй зүтгэсэн ажилтан алба хаагч, нийгмийн хариуцлагаа ухамсарласан иргэн, аж ахуй нэгж та бүхэнд баярлалаа.
