Хан-Уул дүүргийн IV хороо, Наадамчны гудамжинд автомашин худалдааны төвд гал гарч байна гэсэн дуудлага өнөөдөр 08:04 цагт ОБЕГ-т ирсэн байна. Дуудлагын дагуу Хан-Уул дүүргийн Онцгой байдлын хэлтсийн Гал түймэр унтраах, аврах 14, 30 дугаар ангийн бүрэлдэхүүнийг очиход 43х33 хэмжээтэй байшингийн дээврийн баруун урд хэсэг шатаж байсан. Алба хаагчид 08:30 цагт гал түймрийн тархалтыг зогсоож, бүрэн унтраахаар ажиллаж байна.
