Хөдөлмөрийн баатар, Гавьяат тамирчин, Рио-2016 олимпын хүрэл медальт С.Батцэцэг энэ удаагийн хүн төрөлхтний эв нэгдлийн баяр наадамд Чөлөөт бөхийн эмэгтэйчүүдийн 68 кг-ын жингийн хүрэл медалийн төлөөх барилдаанд Азийн наадмын мөнгөн медальт Кыргызстаны М.Жуманазароватай оноолт таарсан. Улмаар манай бөх 10:1 онооны харьцаагаар ялагдав. Тэрбээр барилдааны эхний үед торгуулийн нэг оноо авсан. Харин хоёрдугаар үед Кыргызстаны бөх 10 оноо авч барилдааны цаг дуусахад 54 секунд дутуу байхад манай бөхийг даралтад оруулж цэвэр яллаа. Ингэснээр С.Батцэцэг "Токио-2020" олимпын наадмыг шагналт дөрөвдүгээр байранд орсноор өндөрлүүлж байна.
