Спорт гар бууны эмэгтэй гар бууны 25 метрийн дасгал Asaka shooting Range-д үргэлжлэн явагдаж байна. 21 дүгээр галын шугаманд манай Ц.Анударь цэцээ сорьж буй бөгөөд гурван сери-ийн дараагаар 287-9х ( 93, 98, 96) оноогоор 15 дугаарт бичигдэж байна.
Олимпийн мөнгөн медальт О.Гүндэгмаа 35 дугаар галын шугам дээрээс буудах хуваарьтай байгаа бөгөөд хамгийн сүүлийн дөрөв дэх ээлжинд буудах нь.Одоогоор эхний хоёр ээлж ( 20 буудагч) буудаж дууссан бөгөөд Сербийн Зорана Арунович 296 оноогоор хошуучилж, ОХУ-ын Виталина Бацарашкина , Елена Костевич нар ижил 292 оноотой ард нь явна.
Манай буудлага спорт сонирхогчдын сайн танил, Дэлхийн хошой аварга, олимпийн хошой хүрэл медальт Д. Мөнхбаярын “ангийн хүүхдүүд” болох Гүржийн Нино Салуквазе 291 оноотой дөрөвт, Болгарын Мариа Гроздева 288 оноотой 10 дугаарт бичигдэж байна.
Бэлтгэсэн Ц. Энхтүвшин
