Өчигдөр /2021.04.25/ Лос-Анжелес хотод “Оскар”-ын 93 дахь удаагийн шагнал гардуулах ёслол эхэлжээ. "Оскар-2021" хоёрдугаар сарын 28-ны өдөр болох ёстой байсан ч цар тахлын улмаас дөрөвдүгээр сарын 25 хүртэл хойшлуулсан юм.
“Оскар”-ын арга хэмжээ хойшлогдож байгаа түүхэн дэх дөрөв дэх тохиолдол аж. 1938 онд Лос-Анжелес хотод үер болсны улмаас хойшлуулсан бол 1968 онд Мартин Лютер Кингийг хөнөөсөн, харин 1981 онд АНУ-ын Рональд Рейганы амь насанд халдсаны улмаас Оскарын ёслол тус тус хойшлогдож байв. [WU1] Өмнөх хоёр жилд Америкийн кино урлагийн шилдгүүдийг тодруулах арга хэмжээ цахим хэлбэрээр явсан бол энэ удаа арай өөр арга буюу “холимог” хэлбэрээр явагдав. Зохион байгуулагчид оролцогчдод улаан хивсэн дээр зургаа авахуулах боломжийг олгож, нэр дэвшигчид болон шилдгүүдийг уламжлал ёсоороо “Dolby Theatre” кинотеатрт зарласан ч үзэгчид огт өөр газар буюу “Union Station” төмөр замын буудалд байрлажээ. Урьдчилан сэргийлэх үүднээс харьцангуй цөөн ердөө 170 зочин оролцсон байна. АНУ-ыг зорихоос түдгэлзсэн нэр дэвшигчдэд зориулан Академи тухайн оронд нь хэд хэдэн газар бэлдсэн юм. Тухайлбал, Их Британийн нэр дэвшигчид Лондон хот дахь BFI Southbank кинотеатрт цугларсан бол Францын оролцогчид Парис дахь Canal+ студиэс холбогдов. Энэ удаа гэрэл зурагчин, сэтгүүлчийн тоог ч мөн хязгаарласан байна.
“Оскар”-ыг 24 төрөлд шагнал олгодог бөгөөд энэ жил "Аав", "Минари", "Нүүдэлчдийн нутаг", "Металлын дуу чимээ", "Чикагогийн долоогийн шүүх хурал" зэрэг таван кино тус бүр зургаан ном нэр дэвшсэн бол Америкийн найруулагч Дэвид Финчерийн “Maнк” кино арван төрлөөр өрсөлдөж буйгаараа манлайлав. Үүнээс гадна стриминг үйлчилгээ үзүүлэгч “Netflix” компанийн төслүүд хоёр дахь жилдээ дараалан хамгийн олон төрөлд нэр дэвшээд байна. Тодруулбал, тус компаниас гаргасан кинонуудаас Оскарын шагналд 35 удаа нэр дэвшжээ. Энэ үзүүлэлтээр “Disney” хоёрдугаарт, “Amazon” гуравдугаарт оржээ.
Харин алдан баримлын гол шагналууд болох шилдэг бүтээл, шилэг найруулагч, шидэг жүжигчнийг Хлой Жаогийн “Нүүдэлчдийн нутаг” кино хүртлээ.
Хлое Жао Оскарын шилдэг найруулагчийн шагналыг хүртсэн АНУ-ын арьсны өнгөт цөөнхийн анхны эмэгтэй ялагч болж, Шилдэг найруулагчийн шагналын хоёр дахь эмэгтэй эмэгтэй болжээ. Эхнийх нь 2009 онд TheHurt Locker киногоор энэ шагналыг хүртсэн Кэтрин Бигелоу байв.
Шилдэг кино: "Нүүдэлчдийн нутаг"
Шилдэг эмэгтэй гол дүрийн жүжигчин: Фрэнсис МакДорманд "Нүүдэлчдийн нутаг"
Шилдэг эрэгтэй гол дүрийн жүжигчин: Энтони Хопкинс “Эцэг” /найруулагч Флориан Зеллер/ кинонд дементи өвчтэй /зөнөглөл/ хөгшин эрийн дүр бүтээснийхээ төлөө хоёр дахь “Оскар”-аа авлаа.
Шилдэг эрэгтэй туслах дүрийн жүжигчин: “Иуда ба хар үйл” киноны /найруулагч Шака Кинг/“Хар ирвэсүүд” бүлэглэлийн удирдагчийн дүрээр Даниел Калуяа анхныхаа “Оскар”-ыг авав. Тэрээр эл дүрээрээ "Алтан бөмбөрцөг", Британийн академийн BAFTA шагналыг хүртсэн юм.
Шилдэг эмэгтэй туслах дүрийн жүжигчин: Юн Ёо Жон бол “Оскар” авсан анхны солонгос жүжигчин. Оскараас гадна "Минари" киноны /найруулагч Ли Айзек Чун/ Гранни дүр эзэндээ BAFTA болон академийн Жүжигчдийн холбооны шагналыг авчирсан. Юн Ёо Өмнөд Солонгосто бүсгүй хагас зуу гаруй жилийн турш алдартай байсан боловч 1970-аад онд Америкт нүүж ирсний дараа жүжигчнийхээ карьерыг орхин 10 жилийн турш энгийн гэрийн эзэгтэй болжээ. 5 жилийн өмнө тэрээр “Femme Fatal” кинонд 60 настай биеэ үнэлэгчийн дүрд тоглож, Ази, Номхон далайн кино наадмын Гран При шагнал хүртсэн байна.
Шилдэг дуу: 2019 оны “Грэмми”-гийн гурван шагналын эзэн, H.E.R. анхныхаа “Оскар”-ыг "Би амьсгалж чадахгүй" дуугаараа авлаа. Түүний энэ дуу өнгөт арьст Жорж Флойдын аллагад хариу үйлдэл болж зохиогджээ.
Харин арван төрөлд нэр дэвшсэн “Манк кино” шилдэг зураглаач, шилдэг зураачийн төрөлд ялалт байгуулав. Шилдэг зураглагч болсон Эрик Мессершмидт бол алдарт найруулагч Дэвид Финчерын хамтрагч бөгөөд түүний “Алга болсон бүсгүй”киноны гол гэрэлтүүлэгчээр ажиллаж, "Ухаан санааны ангуучид" киноных нь зураг авалтыг хийжээ.
Шилдэг хүүхэлдэйн кино: Пит Доктер бол Оскарын ахмад аниматоруудын нэг. Тэрбээр анх удаа "Тоглоомын түүх" киноны зохиолоор нэр дэвшиж байсан. "Сэтгэл" бүтээлээрээ тэрбээр ес дэх удаагаа нэр дэвиж ээлжит алтан баримлыг авчирав. Тэрбээр "Up", "Puzzle" киногоороо эл шагналыг хэдийнээ авч байжээ.
Шилдэг баримтад кино: Өмнөд Африкийн баримтат киноны найруулагч, далай судлаач Крейг Фостер усан доогуур сэлэх сургуулилалт хийж байх үеэр нь таарсан далайн наймаалж амьтдын ертөнцийг ойлгоход хэрхэн тусалсан талаар эссэ видео өдрийн тэмдэглэл хийжээ. Netflix дээр гарсан киноны зураг авалтын үеэр Фостер хэд хэдэн шинэ төрлийн сам хорхойг олж илрүүлснээс нэг нь түүний нэрээр Heteromysis fosteri хэмээн нэрлэгджээ.
Шилдэг богино хэмжээний уран сайхны кино: Энэ бүтээл цагдаа нарын гарт амь үрэгдсэн африк гаралтай америкчуудыг асуудлыг хөндөхдөө Groundhog Day /Ханш нээх өдөр/ киноны үйл явдлаар дүрслэн харуулжээ. Киноны баатрууд цаг хугацааны давтамжтай эргүүллэгэнд орж, хэцүү энэ үйл явдалтай дахин дахин учрах болно.
Шилдэг гадаад хэл дээрх кино: Дани, Нидерланд, Шведийн хамтарсан "Дахиад нэг" кино “Оскар”-аас гадна "Цезарь", BAFTA, Европын кино академийн дөрвөн шагнал, Данийн кино академиас олгодог таван "Роберт" шагналыг авчээ. Найруулагч Томас Винтербергийн хувьд энэ бол ахынх нь алтан баримал байлаа.
