Өнөөдрийн байдлаар 7,460 хүн дархлаажуулалтад хамрагдсан гэж ЭМЯ-ны ахлах шинжээч Д.Нарангэрэл мэдээллээ . Өөрөөр хэлбэл, хамрагдах ёстой зорилтот бүлгийн 11,4 хувь дархлаажуулалтад хамрагдсан байна.
Түүнчлэн "Бид дархлаажуулалтын дараах урвалыг тандан судалж байгаа. Дархлаажуулалтад хамрагдсан нийт хүний 21,5 хувьд нь халуурах, толгой өвдөх, үе мөч өвдөх зэрэг ерөнхий болон хэсэг газрын урвалууд гарсан. Эрүүл мэндийн байгууллагын хоёр ажилтанд богино хугацаагаар артерын даралт нэмэгдэх шинж тэмдэг илэрсэн. Эдгээр шинж тэмдгүүд 2-3 хоногийн хугацаанд арилсан" гэв.
