Өнөөдөр гадаа 22 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
8 дугаар сарын 22-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 234 дахь өдөр бөгөөд он дуусахад 131 хоног үлдлээ.
- Цаг агаар өдөртөө 22 хэмийн дулаан бол шөнөдөө 7 градус дулаан байх нь ээ.
- Билгийн тооллын 22, нэг цагаан мэнгэтэй цагаагчин туулай өдөр. Өнөөдөр үсээ авахуулах буюу засуулбал идээ ундаа элбэг олдох гэнэ. Энэ өдөр гахай жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2676.00 төгрөгтэй тэнцэж байгаа бол бусад валют болох рубль 40.80, юань 379.20, вон 2.19 төгрөг байна.
Өнөөдөр болох онцлох үйл явдлууд:
- Зууны мэдээ сонины Үндэсний мэдээллийн төвд 12.00 цагаас “Эрдэнэс тавантолгой” ХК-ийн Эв санааны нэгдэл ҮЭ-ийн тэргүүн С.Эрдэнэ цаг үеийн асуудлаар мэдээлэл хийнэ.
- Хуульчийн мэргэжлийн шалгалт үргэлжилнэ.
- 10.00 цагаас Монгол Улсын Үндсэн хуульд оруулах нэмэлт, өөрчлөлтийн төслийн хоёр дахь хэлэлцүүлэг эхэлнэ.
Энэ өдөр дэлхийн түүхэнд:
- 1996 оны энэ өдөр April хамтлагын гишүүн Jeon So-Min мэндэлжээ.
- Өнөөдөр ОХУ-ын Төрийн далбааны өдөр тохиож байна.
- Мөн 1978 оны энэ өдөр Америкийн алдарт жүжигчин James Corden мэндэлжээ.
- 1927 онд Josй de la Mar Перу улсын ерөнхийлөгчөөр томилогдож байжээ. Тэрбээр тус улсын ерөнхийлөгчөөр хоёр удаа сонгогдож байсан бөгөөд түүхэнд 2 болон 8 дахь ерөнхийлөгч болон үлджээ.
- 1942 онд Бразил улс Герман, Япон, Италид дайн зарлажээ.
