Өнөөдөр гадаа 8 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
3 дугаар сарын 25-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 84 дахь өдөр бөгөөд он дуусахад 281 хоног үлдлээ.
- Цаг агаар өдөртөө 8 хэмийн дулаан бол шөнөдөө -8 градус хүйтэн байх нь ээ.
- Билгийн тооллын 20, долоон улаан мэнгэтэй цагаагчин тахиа өдөр. Өнөөдөр үсээ авахуулах буюу засуулбал өлсөж ундаасах гэнэ. Энэ өдөр үхэр, могой жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2632.00 төгрөгтэй тэнцэж байгаа бол бусад валют болох рубль 41.50, юань 393.20, вон 2.34 төгрөг байна.
Өнөөдөр болох онцлох үйл явдлууд:
- Монгол Улсын Ерөнхий сайд У.Хүрэлсүхийн урилгаар Бүгд Найрамдах Солонгос Улсын Ерөнхий сайд Ли Наг Ён энэ сарын 25-27-ны өдрүүдэд албан ёсны айлчлал хийнэ.
- 11.00 цагт МҮЭСТО-нд Сургуулийн өмнөх боловсролын ҮЭ-ийн идэвхтэн сонгуультны төлөөллийн хуралтай. Илүү цагийн мөнгө олгосон нэрээр буцаан суутган авч байгаа болон бусад асуудлыг авч хэлэлцэх юм байна.
- Сүрьеэгүй Улаанбаатар өдөрлөг 11.00-15.00 цагийн хооронд Хүүхдийн ордонд болно.
- 13.00 цагт ХБХХЕГазар, сэргээн засах төвтэй хамтран Оюуны бэрхшээлтэй хүүхдийн ОУ-ын өдрийг тохиолдуулан оюуны бэрхшээлтэй хүүхдүүдэд үнэ төлбөргүй үзлэг оношлогоо хийж, үнэ төлбөргүй эмчилгээ хийнэ.
- 10:00 цагаас ХХААХҮЯ-нд “Монгол орны бордооны үйлдвэрлэл ба Хэрэглээ” эрдэм шинжилгээний хурал болно.
- Ардчилсан намын төв байранд 11.00 цагаас АН-ын Ерөнхий нарийн бичгийн дарга Ц.Туваан, Нарийн бичгийн дарга О.Магнай, УИХ-ын гишүүн, АН-ын дэд дарга Б.Пүрэвдорж нар цаг үеийн асуудлаар мэдээлэл хийнэ.
Энэ өдөр дэлхийн түүхэнд:
- Энхийг сахиулах ажиллагаанд оролцож яваад амиа алдагсдыг дурсах өдөр тохиож байна.
- 2006 онд Беларусийн ерөнхийлөгчийн сонгуулийн үр дүнг эсэргүүцсэн жагсаал нийслэл хотод болжээ. Жагсаал сүүлдээ эмх замбараагүй байдал болон хувирч цагдаа нар хүч хэрэглэхээс өөр аргагүй нөхцөл байдалд хүрсэн байна. Эрх баригчид сөрөг хүчний тэргүүн Александер Козулин болон бусад жагсагчдыг эмх замбараагүй байдалд өдөөн турхирсан гэж үзэн баривчилжээ.
- 1996 онд Европын холбооны дарга нарын зөвлөл галзуу өвчтэй үхрийн махыг хориглох шийд гаргав.
- 1979 онд АНУ-д бүрэн угсарсан анхны сансрын хөлөг болох Шаттл хөтөлбөрийн Колумбиа хөлөг Жон Кеннедигийн сансар судлалын төвөөс хөөрөв.
- 1975 онд Саудын Арабын хаан Файсал сэтгэцийн өвчтэй ач хүүдээ буудуулан амиа алджээ.
- 1918 онд Бүгд найрамдах Беларусь ард улс байгуулагдав.
- 1821 онд Грекын хувьсгалын төлөөх дайн дэгджээ.
