Өнөөдөр гадаа 8 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
3 дугаар сарын 07-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 66 дахь өдөр бөгөөд он дуусахад 299 хоног үлдлээ.
- Цаг агаар өдөртөө 8 хэмийн дулаан бол шөнөдөө -7 градус хүйтэн байх нь ээ.
- Билгийн тооллын 1, долоон улаан мэнгэтэй харагчин туулай өдөр. Өнөөдөр үсээ авахуулах буюу засуулбал нас ахар болох гэнэ. Энэ өдөр гахай жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2636.00 төгрөгтэй тэнцэж байгаа бол бусад валют болох рубль 40.35, юань 393.00, вон 2.35 төгрөг байна.
Өнөөдөр болох онцлох үйл явдлууд:
- 11.00 цагт нийслэлийн 142 дугаар сургуулийн нээлтийн үйл ажиллагаа болно.
- 14.00 цагт Төрийн ордонд "Хүчирхийллийн эсрэг хүн бүрийн оролцоо" үндэсний чуулган зохион байгуулагдана. Уг чуулганд Монгол улсын 330 сум, 9 дүүрэг, бүх хороодоос эмэгтэйчүүд оролцож, төрд хүргэх саналуудаа нэгтгэх юм.
- 15.30 цагаас Гадаад харилцааны яаманд "Элчин сайдууд ба сэтгүүлчид" уулзалт болж, төслийн нээлт болно.
- "Мах маркет" ХХК-ийн үйлдвэрийн байранд “Мах, арьс ширний бэлтгэлийн чанарыг сайжруулах, технологи дамжуулах” сургалт болно.
Энэ өдөр дэлхийн түүхэнд:
- 2007 онд Британийн ард нийтийн танхим Лордын танхимын гишүүдийг 100 хувь сонгож дуусчээ.
- 1989 онд Сальман Рашдигийн бичсэн "Сатаны эсрэг" зохиолын эсрэг явуулж байгаа арга хэмжээнээс болж Иран болон Их Британи улс дипломат харилцаагаа бүрэн таслав.
- 1987 онд Лейюгийн халдлага: Тайванийн Кинмен мужийн Лейю хотын Донгганг дүүрэгт Тайванийн арми Вьетнамын энгийн номхон дүрвэгсдийн эсрэг гал нээж, 19 дүрвэгч амиа алджээ.
- 1986 онд Челленжэр хөлгийн сүйрэл: АНУ-ын тэнгисийн цэргийн "Пресервер" хөлөг онгоц далайн мандлаас Челленжэр хөлгийн бүхээгийг олжээ.
- 1985 онд алдарт "We Are the World" дуу олон улсад цацагдав.
- 1965 онд Цуст Ням гараг: Алабама мужийн Сельма хотын цагдаа нэр иргэний эрхийн төлөө тайван замаар тэмцэж байсан 600 жагсагчийн эсрэг хүч хэрэглэв.
- 1876 онд алдарт зохион бүтээгч Александер Грам Белл өөрийн зохиосон бүтээлээ "телефон" хэмээн нэрлэж, зохиогчийн эрх авчээ.
