Өнөөдөр гадаа 4 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
3 дугаар сарын 01-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 60 дахь өдөр бөгөөд он дуусахад 305 хоног үлдлээ.
- Цаг агаар өдөртөө 4 хэмийн дулаан бол шөнөдөө -13 градус хүйтэн байх нь ээ.
- Билгийн тооллын 25, дөрвөн ногоон мэнгэтэй улаагчин тахиа өдөр. Өнөөдөр үсээ авахуулах буюу засуулбал нүд бүрэлзэн улцайх гэнэ. Энэ өдөр үхэр, могой жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2638.00 төгрөгтэй тэнцэж байгаа бол бусад валют болох рубль 40.50, юань 394.80, вон 2.37 төгрөг байна.
Өнөөдөр болох онцлох үйл явдлууд:
- MN-Мэдээллийн төвд 11.00 цагаас “Дархандаа сайхан амьдарцгаая” ТББ-аас Дарханы төмөрлөгийн үйлдвэртэй холбоотой асуудлаар мэдээлэл хийнэ.
- "ХҮҮХЭД-ХЭРЭГЛЭГЧ" уриан дор гуравдугаар сарын 1-15 хооронд зохион байгуулах арга хэмжээний талаар 11.30 цагаас БСШУСЯ-ны 111 тоот өрөөнд мэдээлнэ.
- ЦАХИЛГААН ДАМЖУУЛАХ ҮНДЭСНИЙ СҮЛЖЭЭ ТӨХК-ийн ажилтнуудын дунд зохион байгуулагдах 5 төрөлт спортын арга хэмжээний нээлт 13.00 цагаас ЦДҮС ТӨХК-ний спорт зааланд болно.
- 11.30 цагаас УИХ-ын гишүүн Л.Болд, Ж.Батзандан нар ШШГЕГ-ын харьяа Цагдан хорих 461-р ангид Улсын Их хурлын Хүний эрхийн дэд хорооны гишүүний хувиар ажиллана. Цагдан хорих 461-р ангид хүний эрхийн нөхцөл байдал хэрхэн хангагдаж байгаатай танилцаж, сэтгүүлчдэд мэдээлэл өгнө.
Энэ өдөр дэлхийн түүхэнд:
- Өнөөдөр Ялгаварлан гадуурхалыг тэглэх олон улсын өдөр тохиож байна.
- 1994 оны энэ өдөр Канадын дуучин Жастин Бибер мэндэлжээ.
- 2006 онд хүн болгон мэдээлэл нэмэх боломжтой "Википедиа" цахим тольд англи хэл дээрх нэг сая дахь нийтлэл "Жорданхиллийн төмөр замын буудал" нэрээр оржээ.
- 2002 онд хүрээлэн буй орчныг судлах зорилго бүхий "Энвисат" хиймэл дагуулыг хөөргөж, Дэлхийн 11 дэх хиймэл дагуул болжээ. Мөн түүнчлэн сансарт хөөргөсөн хамгийн хүнд хиймэл дагуул болсон юм. Уг хиймэл дагуулын нийт жин 8,500 кг байсан гэдэг.
- 1998 онд найруулагч Жеймс Камероны найруулсан "Титаник" кино дэлхийн кино урлагийн зах зээлээс нэг тэрбум долларын босгыг давсан анхны кино болов.
- 1995 онд интернетийн хайлт, харилцаа холбооны Yahoo! компани байгуулагджээ.
- 1966 онд ЗХУ-ын "Венера 3" сансарын хөлөг Сугар гаригт осолдсоноор өөр гаригт осолдсон дэлхийн анхны хөлөг болсон байна.
